Connect with us

Yuri Bracho ta exigi pa habri frontera cu Venezuela

Aruba

Yuri Bracho ta exigi pa habri frontera cu Venezuela


Yuri Bracho tabata tin un reunion na Bestuurskantoor cu diferente minister relaciona cu su manifiesto di preocupacion dje comunidad Venezolano. Despues cu e reunion a termina, el a bay na parlamento pa entrega su manifiesto.

Durante su reunion na Bestuurskantoor, el a sinta cu minister Rocco Tjon, minister di economia Geoffrey Wever y minister Glenbert Croes. Segun Bracho, e mandatarionan a bis’e cu loke ta haciendo ta algo bon y ta spera cu por logra.

Na parlamento el a duna su manifiesto na Presidente di Parlamento Edgard Vrolijk. Aki el a expresa cu e manifiesto entrega ta referente frontera entre Aruba cu Venezuela. E ta pidi pa reevalua e caso di frontera y tambe e no ta pidi pa laga tur Venezolano drenta, pero ta pidi como conciudadano pa haya derecho di por bay dokter, di por haya salud p’un miho di dos opinion. E no ta pidi solamente pa e Venezolanonan, pero tambe pa esunnan di Aruba cu tambe tabata bay hopi Venezuela.

El indica di bisa esey na minister Croes, kende a bay di acuerdo cu su persona. Tambe cu por haya miho calidad di fruta y berdura. Segun Bracho, e ta papia den nomber di su persona y esunnan cu ta cu ne, y e necesidad t’ey tanto pa bay dokter como fruta y berdura, e calidad di bida dje ser humano di Aruba. E ta di pensamento manera tin vuelo humanitario, unda ta deporta esunnan indocumenta, y si tin un vuelo pa siman p’e localnan, esey lo yuda baha e gasto di gobierno pa mantene e indocumenta na Warda Nos Costa. Asina el a trece mas punto, di cual segun su persona no ta pensa p’e so pero riba e otro ciudadanonan.

Presidente di Parlamento Edgard Vrolijk a ricibi e manifiesto y a indica cu e puntonan treci ta valido. Ta na su luga pa gobierno haci un reevaluacion, pero e ta algo cu ta toca Reino tambe. Segun Vrolijk, esaki ta na un nivel un tiki mas halto. Na 2019 a cera frontera y ta den momento dificil unda cu prijs a subi, por reevalua kico tin cambia.

El a indica con ta habri y bay ehecut’e ta den man di gobierno, pero tambe semper mester aprobacion di Reino. Ta punto valido treci, tin di evalua e situacion, pero ta den man di gobierno y Reino pa tuma un decision.

Pa cobertura mas amplio, lesa e edicion di TREMPAN mañan.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top