Connect with us

Yudansa di Emergensia Hulandes na kaminda pa Haïti.

Korsou

Yudansa di Emergensia Hulandes na kaminda pa Haïti.


Hulanda ta opsekiá yudansa di emergensia na Haïti. Zr.Ms. Holland ta na kaminda pa e pais ku djasabra a keda afektá pa un teremoto pisá. E barku di Marina na Kòrsou a keda kargá ku entre otro alimento, awa i provishon di ouksilio.
Na bordo tin tambe un helikòpter NH90,botonan rápido i un ekipo di por lo menos 22 militar èkstra. Ta trata di Marinir i Soldánan Genio di Ehérsito.

E militarnan tin un kantidat di boto di rùber na nan disposishon.
Ku esakinan entre otro e personal sivil médiko internashonal ta keda hibá na e partinan mas profundamente afektá di Haïti.
E militarnan ta atendé mas tantu ku distribushon di alimento, provishon di ouksilio i material médiko.

Tambe nan ta analisá i stipulá e daño, pa asina tin mas klaridat kiko ta nesesario pa duna na yudansa einan. Hulanda ta traha hopi estrecho ku Union Europeo, Reino Uní i Estado Unidos.
E Ministerio di Relashonnan di Eksterior i Union Europeo ta finansiá e ubikashon di e barku di Marina. Relashonnan di Eksterior tin pa esei e presupuesto humanitario.
E yudansa di emergensia militar ta bina ademas di e yudansa finansiero ku Hulanda ya antes a pone disponibel, na entre otro Krus Korá i organisashonnan di Nashonnan Uní.

Morto i heridonan
Na Haïti e kantidat di mortonan entretantu a subi te mas ku 2.100. Sigun kalkulashonnan tin alrededor di 10.000 herido. Mas ku 135.000 edifisio a sufri daño of a keda destruí.
Ta trata di bibiendanan, hospitalnan i skolnan. Kuido Médiko i awa limpi pa bebe ta skars, loke por hiba na brote na gran eskala di kólera.

Tripulashon di 75 miembro
Komandante di Forsanan Naval den Region Karibe ta dirigí e esfuerso militar di e yudansa di emergensia. E barku di patruya en prinsipio ta keda desplegá pa 2 siman. Na bordo di Zr.Ms. Holland, tin ademas di e ekipo di yudansa, un tripulashon di mas o menos 75 miembro i algun marechosé/Polis Militar. Zr.Ms. Holland desde Mei 2021 ta den Region Karibe, entre otro pa lucha kontra droga.






Source link

Click to comment

Leave a Reply

Your email address will not be published. Required fields are marked *

More in Korsou

To Top