Connect with us

YEGADA VIRTUAL DI SANIKOLAS I SU PITNAN DJADUMINGU AWOR.

Caribe

YEGADA VIRTUAL DI SANIKOLAS I SU PITNAN DJADUMINGU AWOR.


KRALENDIJK – Atrobe nos ta yegando e dushi temporada kargá ku alegria i goso unda bon komportashon di nos muchanan ta wòrdu premiá. Tambe e temporada ta enkurashá otro muchanan pa nan komportashon ta mihó.

Despues di a sinta na mesa na dos okashon ku Gobièrnu di Boneiru, Komishon Sanikolas a evaluá i a yega na e konklushon ku ta imposibel organisá e evento manera kustumbrá pa públiko ku eksigensianan estrikto ku mester tene kuenta kuné. E aktividat aki ta unu ku ta konta ku un públiko grandi di kua e enfoke ta nos muchanan. Ta konosí tambe ku netamente bou di muchanan di skol a bolbe konstatá kontagio último tempu. Pa e motibu aki a opta pa transmití ‘live’ yegada di e hòmber santu i su pitnan.

Djadumingu 21 di novèmber benidero alrededor di 8or di mainta, Sanikolas i su pitnan ta pisa suela di Boneiru. Grandi i chiki por sigui esaki via kanalnan di televishon lokal i riba medionan sosial.

Lito, e amiguito spardó di tur mucha huntu ku hefe di Sekshon Kultura Arte I Literatura (SKAL) sr Felix Thomas, ta enkargá pa yama Sanikolas i su pitnan bon bini na Boneiru. Despues nos muchanan lo por disfruta di un tremendo shou di masomenos 1 ora den kua talento di nos pitnan ta bini dilanti. Finalmente Sanikolas i su pitnan lo pasa den diferente bario pa di e forma aki saludá nos muchanan.

Ta prohibí pa forma aglomerashon na malekon i den e area ku e evento ta wòrdu organisá. Kuerpo Polisial lo vigilá esaki i aktua si ta nesesario. Djasabra 20 di november pa 6or di atardi lo tin un programa spesial den aire na kanalnan di televishon lokal produsí i presentá pa e pitnan mes relashoná ku preparashonnan pa yega Boneiru. Danki na esfuersonan hasí, ainda muchanan por disfrutá di e yegada di sanikolas seif den nan propio ambiente.

Un biaha mas e yegada di sanikolas i su pitnan ta posibel danki na Maduro & Curiels Bank Bonaire NV i Lito, Gobiernu di Boneiru, WEDOE, NOSTV, Dutch Caribbean TV, KTK Tugs, Dichiri Services, Live99FM, Havenkantoor, Kuerpo polisial i tur boluntario.

Danki di antemano pa e publikashon.






Source link

Click to comment

Leave a Reply

Your email address will not be published. Required fields are marked *

More in Caribe

To Top