Connect with us

Yegada di Miss Aruba Thessaly Zimmerman for di Israel

Aruba

Yegada di Miss Aruba Thessaly Zimmerman for di Israel


Awe den ora di atardi Miss Aruba Thessaly Zimmerman a yega bek fo’i Israel, unda el a representa Aruba den e certamen di Miss Universe. Thessaly Zimmerman a yega te den e top diesnan. Na aeropuerto den sala di VIP tanto minister di Cultura como famia di Thessaly y diferente miss tabata ward’e pa asina bis’e bonbini, pero tambe pa dun’e pabien ya cu despues di 25 aña un biaha mas Aruba a haya un candidato cu a yega den e topnan.

Richard Zimmerman, tata di Thessaly, a expresa cu nan ta sumamente orguyoso. Den trayecto di un aña nan a mira esey, a traha hopi duro y na final el a realisa su soño. Thessaly a bay pa ta number uno, pero e tata ta super gradici cu loke su yiu a logra. Momento cu a yam’e den e diesseisnan, di tur caminda nan a ricibi yamada. Esaki tabata algo increibel.

Mama di Thessaly a expresa con contento e ta cu e logro aki. Thessaly a traha duro y tur dia e tabata lanta trempan bay gym, bay traha, e mama tabata prepara su cuminda na midi. Diadomingo e mama a sigui e certamen y e nervionan tabata halto despues di a tende top diesseis. E mama ta recorda cu ora a tende Thessaly a yega top dies, nan no por a wanta nan grito. E ta orguyoso di su Thessaly.

Despues cu Thessaly a drenta e sala di VIP, el a indica cu na Israel hopi hende no sa unda Aruba ta keda, pero awo si. Minister di Cultura, Xiomara Maduro, a expresa su felicidad di por a ricibi Thessaly, kende a sa di briya durante e certamen di Miss Universo y entre e 80 hendenan muhe bunita y inteligente. E mandatario a felicita Miss Aruba pa su logro, pero tambe e preparacion cu el a pasa aden pa por a yega n’e certamen aki.

Thessaly a conta su experencia di a participa den e certamen di Miss Universo. E sentimentonan tabata hopi tremendo y di por a sali den top dies, no solamente den e hendenan muhe mas bunita pero esunnan mas inteligente, muhe empodera, disciplina. Pa por a logra sali den e top diesnan, tur e puntonan cu el a menciona mester tin. E trabou tabata uno hopi duro, pero el a hacie cu hopi orguyo pasobra riba stage n’e momento ey e no tabata para como Thessaly Zimmerman pero como Aruba. Door di esey el a percura pa lanta trempan y haci tur cos manera mester ta. El a percura pa su cara destaca como nomber di Aruba. El a haci tur esey cu orguyo.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published.

More in Aruba

To Top