Connect with us

Xiomara Maduro: Aruba ta boga pa aumenta su credibilidad financiero

Caribe

Xiomara Maduro: Aruba ta boga pa aumenta su credibilidad financiero


Aruba a bin ta trahando cu diferente agencia di rating. No semper tur ta duna e mesun resultado. Pero gobierno ta haya importante pa haci uzo di e agencianan  di evaluacion aki. Un rating bon di un agencia, ta duna un pais mas credibilidad, principalmente na momento di busca prestamo riba mercado internacional. Esaki por tin influencia riba e porcentahe cu ta paga na credito.

Aruba a bin ta traha cu diferente agencia y aunke cu e rating a cambia compara cu algun aña pasa, e porcentahe pa prestamo riba mercado internacional a keda mescos.

A papia cu Minister di Finanza Xiomara Maduro riba e tema aki den su ultimo conferencia. El a señala cu Aruba pa mas cu dos decada caba ta traha cu agencianan di rating internacional. E companianan aki ta Fitch y Standard & Poor’s.

Durante pandemia Standard a keda mantene e mesun rating y Fitch a downgrade Aruba.  A constata cu despues di e tempo di COVID y pandemia, Fitch ta tarda pa adapta e rating.

Aruba a bin cu e strategia pa busca opinion di un di tres agencia of organisacion internacional. Asina a busca esun di mas grandi, esta Moody’s cu a expresa cu Aruba tin un bon investment rating. E rating aki den mundo financiero ta duna Aruba hopi credibilidad  financiero. Pa ora di refinancia of ora inversionistanan bini Aruba, e ta mustra cu nan inversion riba e isla ta stabiel.

Pero e confiansa ta bay traduci tambe den un interes mas abou.

E portofolio cu Aruba tin awo di debe externo tin prestamonan di diferente aña. Cada bes cu un mercado diferente.

Dos agencia ta permiti pa haya un interes mas abou ora di busca prestamo internacionalmente.





Source link

More in Caribe

A2Z ADMINISTRATION

AD

To Top