Connect with us

Wyatt-Ras na Gobierno: Stop di corta den nos pueblo

Aruba

Wyatt-Ras na Gobierno: Stop di corta den nos pueblo


Mervin Wyatt-Ras durante reunion Reunion publico no. 9.  tratando 60 miyon di recorte den cuido y preocupacion di fysioterapistanan a haci diferente pregunta critico. 

El a trece padilanti cu ya caba na mei 2020 minister presidente a firma cu Hulanda pa nos a haya un tranche y ya caba eynan el a acepta e landspakketten, cual ta encera varios medida riba diferente tereno incluyendo cuido. Minister Presidente ta nenga cu el a bay di acuerdo pa corta den cuido. Dia 12 di januari 2021, stakeholders di cuido a presenta un carta na parlamento den cual a mustra nan inkietud y nan preocupacion tocante e situacion den cuido. Bou presion di parlamento, gobierno a lanta un Task Force pa wak kico ta nan deseo. 

Gobierno ta trece padilanti cu ta Hulanda ta condiciona pa Aruba corta den cuido, sinembargo den e carta cu a ricibi di stakeholders por tuma nota cu durante un bishita di Secretario di Estado na Aruba el a indica cu “dat er geen noodzaak is om de afgesproken korting op de tranches uit Nederland per se via de zorg binnen te halen”. Kiermeen cu segun Hulanda no mester tuma medida den cuido. 

Den un carta di Secretario di Estado Raymond Knops, fecha dia 27 di october 2020, como contesta riba un carta di Stichting Respaldo, den nomber di stakeholders encuanto “specifieke korting op het zorgstelsel van Aruba”, por constata lo siguiente. Den e carta aki e Secretario di Estado a indica cu a base di locual CAft a duna como conseho, Aruba mester a corta 5 miyon florin pa luna. Esaki a base di un rapport cu Aruba mes a pidi pa haci e investigacion of sondeo. E raport aki ta titula “Doorlichting kostenontwikkeling AZV” van PWC na aña 2019. E conseho ta pa “de kostenbesparingen in de gezondheidszorg met voorrang te implementeren”. Es decir pa duna prioridad na implementacion di recortenan den gasto den cuido di salud. 

Secretario di Estado Knops ta declara den e carta cu; ”de wijze waarop Aruba de taakstelling invult is een lokale aangelegenheid”. Mas aleu e ta indica cu “De uitvoeringsorganistatie AZV heeft hiertoe een bezuinigingsplan opgesteld. De ministerraad van Aruba heeft besloten dit bezuiniginsplan uit te voeren”. Aki Knops ta bisa bon cla cu ta trata di un asunto local. Cu AZV a traha un plan di recorte den cuido y cu Ministerraad di Aruba a dicidi pa ehecuta e plan di aki. 

Segun Parlamentario Wyatt-Ras en bes cu e minister presidente y gobierno haci comosifuerta ta Hulanda ta impone recorte ta nan mes a dicidi esaki den conseho di minister pa ehecuta e plan di medidanan den cuido di 5 miyon pa luna. 

Pueblo mester sa e berdad, segun Wyatt-Ras. E falta di transparencia y mentira di e minister presidente ta crea “onrust” of intrankilidad den nos comunidad.  

Segun Wyatt-Ras mester haci ehercicio pa corta otro caminda cu no ta cuido, p.e. den gastonan operacional di gobierno mes, esta den gasto di luho, den biahenan lucrativo, nombracion di mas y mas coordinadornan, den e cantidad di ministernan ora a forma gobiernoDen AZV mes manera stakeholders cu a reuni cu Parlamento ta indica por bin rebaho den gastonan operacional. 

Pakico atrobe ta nos pueblo mester sufri? Netamente awor cu COVID a ocasiona hopi dolor den nos pueblo, cu hopi di nos hendenan a perde trabou y no (taba)tin cuminda. Awor cu costo di bida a bira super halto y cu nos poder di compra a baha drastico cu 500 florin pa luna pa un famia di 4 persona y alrededor di 280 florin pa luna pa un famia di 2 persona.

Ya gobierno a tuma diferente medida caba a hisa BBO, a kita djente falso for di nos grandinan, pashentnan mester paga un eigenbijdrage ora biaha pa tratamento den exterior y no ta paga mas pa acompanjante. Tambe na april a bin recorte den e lista positivo di medicina. 

Wyatt-Ras a haci peticion dramatico na ministernan pa no corta mas den alma nos pueblo. 

Wyatt-Ras a pidi e rapport di 5 wave model y e rapport titular “zorg voor de zorg”. Aunke minister ta sugeri cu e raportnan aki ta online, Wyatt-Ras su punto ta cu gobierno mester otorga Parlamento documento ora pidi esaki y no ta asina cu tur raport por download manera kier online. 

Tin diferente medidanan den tapara manera segun e 5 wavemodel cual ta ensera eigenbijdrage.Tambe tin e medidanan pa loke ta trata un “solidariteitsbelasting”, un “eigen risico” pa esnan cu tin malesanan chronico, cual ta ensera discriminacion di nos hendenan. 

Pa por garantisa un “healthy lifestyle” ta necesario entre otro pa baha e prijs di fruta y berdura pa nos hendenan por come mas saludable na prijs pagabel. Esaki ta un peticion nan minister pa realista esaki. 

Wyatt-Ras a puntra cual “vangnet di asistencia social lo ser introduci pa yuda esnan cu no por

paga nan medicina paso nan no tin trabou of entrada

Tambe el a puntra tocante e status rond di COVID 19, y e Instituto di Calidad pa loke ta trata e ley di Arubig y ki sistema di registracion tin pa dokternan cu kier registra. 

Wyatt-Ras a boga tambe pa interes di Fysioterapistanan. El a senjala cu e rol di fysioterapista den revalidatie y despues di operacion ta esencial, tambe ora di acute klachten etc. Tin cu valora e profesion aki mas y percura cu nan por ser paga mas husto ademas el a boga pa por haci posibel pa muchanan cu limitacion sea fysico o mental por haya fysioterapia. Ambos mocion a ser aproba na un forma unanime. 





Source link

Click to comment

Leave a Reply

Your email address will not be published. Required fields are marked *

More in Aruba

To Top