Connect with us

Wever: Hulanda kier forza gobierno pa ‘bypass’ Parlamento di Aruba

Aruba

Wever: Hulanda kier forza gobierno pa ‘bypass’ Parlamento di Aruba


Posted on 12/17/2021 10:04 am AST | Updated on 12/17/2021 10:04 am AST

ORANJESTAD – Gobierno Hulandes a pone condicion adicional pa Aruba haya ayudo, cu ta un condicion cu ta bay contra nos constitucion. Asina prome minister Evelyn Wever a bisa den e prome reaccion di gobierno riba e hecho cu Conseho di Minister di Reino awe a pospone e decision pa duna Aruba sosten di likides y e recorte di salario di 12.6%. Segun sra Wever, locual a wordo exigi di Pais Aruba, na ultimo momento ta pa bay di acuerdo pa firma un protocol unda cu lo bypass Parlamento di Aruba. “Forsando asina Gobierno di Aruba pa actua contra constitucion y nos a splica Hulanda cu nos no por haci esey” Wever a bisa. 

RECORTE DI SALARIO

Wever ta sigui bisa cu adicionalmente, a pesar di varios peticion haci pa Aruba, pa bin cu un solucion relaciona cu e recorte di salario di nos empleadonan publico, Hulanda a dicidi di no bay di acuerdo cu esaki y stipula e recorte aki como un otro condicion. “Nos Minister Plenipotenciario na Den Haag, sr. Guilfred Besaril a protesta contra esaki” e prome mandatario a sigui bisa. “Pais Aruba ta lamenta e sucedido aki specialmente mirando cu Aruba a cumpli cu tur condicion. Un punto enfatisa door di Hulanda mes” 

KICO AWOR?

Awor negociacionnan lo sigui pa yega na otro prome cu e siguiente reunion, den januari, caminda lo tin oportunidad nobo pa yega na acuerdonan fiho cu Hulanda, na bienestar di nos pais.  Aruba tin tur confiansa den esaki y lo sigui cu e colaboracion estrecho y constructivo cu nos madre patria. 

KIKO ESAKI KIERMEN PA ARUBA

E prome mandatario a sigui bisa cu esaki tin como consecuencia cu e fondonan di pais Aruba ta limita. “Gobierno a traha riba un plan B, y a informa Parlamento di Aruba di esaki e siman aki. A base di e Plan B aki lo por cubri tur e debenan”. A bisa tambe cu lamentablemente no tin espacio ainda pa por reduci e recorte di salario inmediatamente manera ta e peticion di sindicatonan. “Mientrastanto Gobierno di Aruba ta bolbe extende un invitacion na sindicatonan pa dialogo, pa forma un frente uni y mas fuerte” Wever ta finalisa bisando.

NEGOSACION

Durante ultimo luna e ekipo di profesional di Aruba a traha incansablemente pa asina logra cumpli cu tur condicion stipula conforme palabracion. Pa locual ta e trayecto di landspakket Aruba a cumpli grandemente locual ta refleha tambe den reporte di esaki door di COHO. 

 

 

 





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top