Connect with us

Wever: Frontera cu Venezuela no por wordo habri awor ainda

Aruba

Wever: Frontera cu Venezuela no por wordo habri awor ainda


Wever: Frontera cu Venezuela no por wordo habri awor ainda

Posted on 10/31/2021 3:36 pm AST | Updated on 10/31/2021 3:46 pm AST

ORANJESTAD – Frontera cu Venezuela no por wordo habri awor ainda . Asina prome minister Evelyn Wever Croes a informa awe diadomingo. E mandatario a referi tambe na un manifiesto cu a wordo entrega diabierna ultimo  dilanti di Bestuurskantoor na Minister Glenbert Croes y Minister Rocco Tjon. E manifesto ta encera un peticion pa habri frontera bek cu Venezuela. Frontera cu Venezuela ta cera desde 2019 pa vuelonan y transporte maritimo directo. Vuelonan inderecto pa Aruba desde Venezuela ta posibel, via Colombia of Panama pa esnan cu ta logra haya Visa. 

SITUACION MUNDIAL

Prome Minister Evelyn Wever-Croes a accentua cu e situacion mundial aworaki ta haci hopi cos dificil. Covid a dal Aruba hopi duro. Na e momentonan aki Aruba ta purbando pa recupera di Covid, purba crea trabou pa tur nos ciudadanonan cu a perde trabou y e prioridad awor ta pa percura pa tin oportunidadnan pa tur esnan cu ta biba na Aruba.

DESEO

“Mi a tuma nota di e deseo di varios persona pa habri e frontera directo entre Aruba y Venezuela. Esaki no ta bay mesun facil pa haci. Esaki ta rekeri hopi diplomacia di ambos pais. Palabracionnan di hopi medida di control mester wordo haci”.

HISTORIA DI CIERRE

Tempo cu Presidente di Venezuela señor Maduro a dal e frontera cera na 2018, tawata tin hopi dialogo entre e autoridadnan Venezolano y Aruba. Cu e acusacion di e gobierno di Presidente Maduro cu Aruba ta horta nan koper, a daña nomber di Aruba y esaki tawata e comienso di ceramento di frontera. Gobierno di Aruba kier evita esaki bolbe pasa y ta haci cu den e cuadro diplomatico mester haci palabracionnan hopi concreto entre otro e maneho pa regula y controla e trafico aereo y maritimo. 





Source link

Click to comment

Leave a Reply

Your email address will not be published. Required fields are marked *

More in Aruba

To Top