Connect with us

Wever: CAFt a duna gobierno mas tempo pa reacciona

Aruba

Wever: CAFt a duna gobierno mas tempo pa reacciona


Posted on 06/23/2022 8:05 pm AST | Updated on 06/23/2022 8:12 pm AST

ORANJESTAD – E colegio di supervision financiero di Aruba, CAFt a duna gobierno mas tempo pa reacciona riba nan ultimo conseho manda recientemente. Asina prome minister Evelyn Wever a bisa diahuebs anochi. E deadline original pa gobierno contesta CAFt tabata diabierna awor 24 di juni 2022. No ta sigur si cu ta esaki ta loke cu e mandatario tabata referi na dje den su grabacion cu e la manda pa prensa diahuebs anochi. E mandatario a bisa si cu e colegio ta sigui insisti riba recorte den personal y pa sigui cu e intencion di ‘eigen bijdrage’ den cuido, pero Aruba a bisa cu esaki no ta posibel. E ta considera e combersacionan como positivo y lo sigui combersa. Diabierna CAFt ta duna un conferencia di prensa unda cu lo tende e comentarionan di e colegio mes. Diabierna tambe RMR ta dicidi riba e recorte salarial di 12.5% pa Aruba. Ta premira cu Aruba lo haya e aprobacion pa revoca e prome 5% awoe y e resto pa fin di e aña aki. 





Source link

More in Aruba

To Top