Connect with us

Wever: Aruba ta haya representante nobo na Union Europeo na 2022

Aruba

Wever: Aruba ta haya representante nobo na Union Europeo na 2022


Posted on 11/1/2021 11:25 am AST | Updated on 11/1/2021 11:29 am AST

ORANJESTAD – Ta partido MEP y no gobierno ta esun cu a propone pa sr Ady Thijsen bira e proximo representante di Aruba na Union Europeo. Cu esaki tambe, prome minister Evelyn Wever Croes a confirma un noticia cu a lek siman pasa y cu e portal 24ora a publica riba nan Plataforma. E lek a causa consternacion den gobierno cu a pone cu a inicia un investigacion con un noticia asina por a lek bin afo. Mientras cu e proceso no ta cla ainda segun e mandatario, no a haci un anuncio ‘oficial’ ainda. Ta e experiencia di sr Thijsen a pone cu a propone pa tal funcion. Esaki ta nifica cu e representante actual di Aruba, sr Eddy Paris ta retira, mirando cu e funcion tabata pa duracion di e gabinete anterior cu a termina tambe. A pidi sr Paris pa keda den funcion te por lo menos fin di e aña aki, pa partido y gobierno tin tempo pa procesa e asunto aki trankil. 

PARLAMENTARIO NOBO

Cu e cambio aki, ta nifica tambe cu Parlamento lo conoce un miembro nobo cu tin cu sali for di e lista di partido MEP, y ta indica cu si tur cos bay manera mester bay, sr Ricky Hoek lo bira e proximo parlamentario cu ta drenta Parlamento. 

DUDA 

Tabatin duda ora cu eleccion a pasa, cu sr Thijsen lo a bira parlamentario, y a dicidi finalmente pa toch asumi e funcion ey. Pero su estadia no tabata sigur mirando e deseo pa bay Hulanda. Den pasado sr Thijsen tabatin deseo pa bira minister pero no a logra pasa e screening, pa cual a opta e ora pa e bira presidente di Parlamento. Awor atrobe e no a logra esaki, esta e screening, cu a pone cu e la opta temporalmente pa fungi como parlamentario. 





Source link

Click to comment

Leave a Reply

Your email address will not be published. Required fields are marked *

More in Aruba

To Top