WEB ta culpa DOW y DOW ta culpa WEB: No por soluciona problema di awa den Klipstraat

E no ta un situacion desconoci pa DOW y tampoco pa WEB, sinembargo ainda no por solucion’e. Ya ta dos siman cu awa ta core riba caya den Klipstraat y na boshi. E ta un situacion menos bunita pa turista pero tambe tur peaton cu ta haci uzo di e caminda. Tin practicamente un buraco memey di e pida acera unda hende ta cana.

Segun por a compronde for di un comerciante den cercania, el avisa WEB di e situacion pero WEB ta bisa cu ta problema di DOW, parce DOW ta bisa cu ta problema di WEB, en fin; un ta tira culpa riba otro pero no ta drech’e.

DOW tin un custumber cu ora tin situacionnan cu no ta bou control, cu e usuario perhudica tin cu manda un email pa nan. No por warda mas y tampoco riba procedura di mail etc, pueblo y nos turismo ta perhudica pa capricho di dos departamento cu no ta responsabilisa nan mes cu trabou cu nan tin cu haci.