Connect with us

WEB a logra coregi varios problema danki na audit di MPR

Caribe

WEB a logra coregi varios problema danki na audit di MPR


WEB Aruba N.V. den aña 2023 a haya bishita di e compania Mericano MPR, experto den ramo di ingenieria, cu e meta pa yuda cu algun reto cu e empresa tabata confrontando.

Alfredo Koolman, director di WEB Aruba N.V., a splica cu nan semper ta habri pa busca solucion. E compania a yuda WEB busca kico ta e causa di e problemanan cu nan tabata confrontando. Un di nan tabata e sistema di control cu MPR a studia pa mira kico por ta e solucion. A haya problema cu e sistema aki desde e di dos mita di aña 2022.

E temporada di pandemia a afecta tambe. Por ehempel, door di restriccionnan e personal di WEB no por a bay on field pa haci testnan necesario. “E no tabata pasobra cu WEB no kier a haci e prueba, pero e circunstancianan no a permiti esey.”

Den area tecnico tambe a duna WEB algun conseho pa crea un miho sistema y WEB a tuma e conseho y pone nan den ehecucion.

Pa loke ta e motornan cu a dicidi pa uza pa forma parti di e operacion di WEB den produccion di awa y coriente, no tabatin miho opcion cu e RECIP. No  mester lubida, Koolman a bisa, cu Aruba y WEB tin 27 aña di experencia cu Wärtsilä.

Desde 2006 tin nan motornan instala na Balashi “Nos tin bon experiencia cu nan y den tur nos evaluacionnan, y na tur momento cu mester expande capacidadnan, basa riba e bon experencia, a scoge pa continua cu Wärtsilä.”

E Recip IV ta un planta di 100 MW cu pa un isla, e ta un reto enorme. Tin mas isla den Caribe cu a busca un planta di e indole aki, pero no a logra stabilisa y consolida. Na WEB si a logra. E ta necesario di e capacidad aki pa por desaroya otro plannan nacional pa energia sostenibel.





Source link

More in Caribe

A2Z ADMINISTRATION

AD

To Top