Connect with us

VWI: Gobierno no ta cumpli cu acuerdo y Hulanda awo ta saca djente!

Aruba

VWI: Gobierno no ta cumpli cu acuerdo y Hulanda awo ta saca djente!


Den un comunicado di prensa VWI (Vereniging van Werkenemers met een Individuele Arbeidsovereenkomst in dienst van de Water- en Energiebedrijf Aruba N.V.) a informa cu awe, 17 di december 2021, por a scucha e feedback cu e Secretario di Estado, Sr. Raymond Knops, a duna di e reunion di e Conseho di Ministernan di Reino di awe y cu a tuma lugar na Den Haag, Hulanda. Bottomline: Gobierno di Aruba (GdA), un biaha mas, no a cumpli cu loke ta stipula den e Protocol Aruba Nederland 2019 – 2021 (Protocol). GdA ta keda bisa cu “nan ta trahando duro” pa cumpli cu loke a wordo palabra cu Hulanda, pero zowel Hulanda como CAft ta bisa categoricamente lo contrario, esta, Aruba no a cumpli y pa es motibo Aruba no ta haya e siguiente tranche di ayudo di likides tampoco.

Asina mes e “Reactie op de Uitvoeringsrapportages” cu CAft ta publica cada kwartaal y e feedback cu Sr. Knops a duna awe di e reunion den Conseho di Ministro di Reino, ta confirma cu GdA no a cumpli atrobe cu loke a wordo palabra den e Protocol y cu loke ta para den e Landspakket.

Den e comunicado di prensa saca pa nos Minister President, riba 17 di december 2021, bisando eyden, y mi ta quote nos Minister President: “Awe 17 di december den Conseho di Minister di Reino, e decision pa aproba sosten di likides pa Aruba a keda posponi pa siguiente reunion. Motibo di esaki ta condicion adicional cu na ultimo momento a wordo poni door di Hulanda. Condicion cu ta cay pafo di e palabracionnan actual y cu ta bay contra nos constitucion”.

Aparentemente, segun nos MinPres, e “condicion adicional aki cu Hulanda ta exigi na ultimo momento” di Aruba ta pa GdA bay di acuerdo pa firma un protocol unda cu lo bypass Parlamento di Aruba. Cua protocol esaki ta? Awo diripiente ta “pop-up” un otro protocol adicional? Locual si ta confirma ta cu GdA a propone na CAft y na Hulanda pa bin cu e recorte di 12.6% y Hulanda a tuma e proposicion aki cu dos man. Awo ta bin cu e storia cu Hulanda ta exigi Aruba pa firma un “protocol” cu lo pone cu ta bypass, esta kita e autorisacion di, Parlamento. Sorry, pero VWI no por tuma esaki na serio. Si ta asina, e ora pone e zogenaamde “protocol” aki publico. Locual Knops a bisa den su interview awe, 17 december 2021, ta cu e stukkennan di e “Consensus Rijkswet” no a yega Parlamento di Aruba ainda y cu sin e behandeling y aprobacion di e Consensus Rijkswet aki e progreso di e Protocol Aruba Nederland 2019-2021 y e Landenpakket pa Aruba conforme COHO lo tranca. Dus Aruba, Corsow y Sint Maarten su parlamentonan mester behandel, debati, y aproba e wetgeving (e Consensus Rijkswet) pa por sigui haya sosten di likides. It’s that simpel. Ta hopi duro pa kere cu Hulanda lo pone un “protocol” riba mesa unda ta exigi pa Aruba ‘bypass’ su propio parlamento. Segun BZK na Hulanda, e “protocol” ta encera acuerdonan relaciona cu COHO y cu ta acorda riba ambtelijk nivo, pero riba nivel politico (lesa MinPres) no kier aproba esaki. Ta duro pa kere cu e negociadonan riba ‘ambtelijk’ nivo lo bay di acuerdo pa firma un protocol den cual ta poni aden cu nos parlamento ta wordo ‘bypassed’. Sea transparente: publica e ‘protocol’ aki pa pueblo mes husga.

Ta obvio atrobe cu GdA kier pasa tur hende un ‘6’ pa un ‘9’. GdA no a cumpli cu e acuerdonan haci cu Hulanda. GdA no a cumpli cu Beleidsplan Verlaging Personeelslasten! GdA no ta cumpliendo at all cu loke ta palabra den e Protocol Aruba Nederland 2019-2021. GdA ta purba di rek e cos aki mescos un kakiña. GdA su malmaneho, incompetencia y falta di credibilidad ta pone cu e ambtenaar, trahadonan semi-publico y trahadonan di companianan estatal ta sigui sufri cu e recorte di 12.6%. Hulanda a bini cu e recorte di 12.6% manera condicion pasobra ta GdA secretamente a propone Hulanda pa haci esaki! Awo, atrobe, GdA ta core sconde tras di Hulanda. “Ta Hulanda su condicion…” Bisa e berdad: GdA a propone Hulanda pa pone e recorte di 12.6% manera un condicion y ta GdA no ta cumpli cu acuerdonan haci y awo Hulanda ta saca djente! VWI ta keda riba e punto cu e recorte unilateral di 12.6% riba salarionan di empleadonan cu un contrato individual of contrato colectivo cu WEB ta un acto ilegal! VWI ta keda para riba cu e recorte aki mester wordo elimina imediatamente. GdA no ta cumpli pero trahado tin cu sigui sufri. GdA tin 8 miyon pa 143 trahado nobo den 2022. GdA tin 7 miyon pa 53 trahado riba contract den 2022. Ta mas cu bisto cu GdA no ta serio y ta tuma nos tur haci.





Source link

Click to comment

Leave a Reply

Your email address will not be published.

More in Aruba

To Top