Connect with us

Varios proyecto di hoben a sobresali den Pitch Time Aruba 2021 den su anochi final

Aruba

Varios proyecto di hoben a sobresali den Pitch Time Aruba 2021 den su anochi final


Diasabra anochi a tuma luga e final di Pitch Time Aruba 2021 den Cas di Cultura, unda cu a scoge e ganadonan di e diferente proyectonan presenta durante varios luna.

E proyecto Pitch Time ta un proyecto di CEDE Aruba cu ta dedica na forma lider hoben den nos comunidad. “Bario Edition” ta un proyecto destina na e hobennan entre 14-25 aña cu mester a traha un proyecto pa nan bario, cu lo ta den forma di un proyecto positivo y duradero. Y finalmente a conoce e ganadonan. 

Entre nan nos ta haya Rafael Garcia kende a logra sali como e best Pitch on TV di Step it Up Aruba y e team di Step it up Aruba a gana e best team di Pitch Time Aruba 2021.

Segun Garcia, e sentimentonan ta hopi halto y ta feliz cu e dos premionan logra.

E principal ta best team cual nan a traha hopi duro p’e. Awo e siguiente paso ta pa enfoca riba e di dos edicion di Step it up Aruba.

Garcia a remarca cu nan kier a logra pa ta un role model cu Step it up Aruba. A haya hopi mucha cu a participa den e prome edicion. Lo sigui yama mas hoben pa forma parti di Step it Up pa asina crea mas lider p’e futuro di Aruba.

Cindy Jansen a gana Best Youth Leader y tambe Best project di Pitch Time 2021.

El a conta cu a nomin’e den Europe Solidarity, un di e cuater proyectonan y tambe nomina pa Youth Exchange unda cu nan lo bay Dinamarca. Na januari nan lo cuminsa cu nan proyecto y si tur cos bay bon den zomer 2022 nan lo bay e pais aki.

E proyecto aki ta haciendo su impacto caba. Aworaki nan ta un grupo di hoben di 10 cu ta biniendo nan sesionnan. Aunke cu tin un lista di espera. Jansen ta contento cu den e grupo di 10 tin dos mucha homber cu no tin miedo y ta sigur cu e di dos edicion cu lo bay sigui cu ne, si ta bon pa otro aña, ta bay wak p’e grupo lo bay crece y bira mas grandi. E intencion no ta pa tin un wachtlijst, pero mirando e impacto, e ta creciendo. Jansen a menciona cu e ta mira un cambio entre e hobennan y nan a durf di subi stage diasabra. Jansen ta mira cu e ayudo cu nan a ricibi tin su efecto. E hoben mas grandi tin 17 y esun mas hoben tin 13 aña.

Sherwin Wester a logra gana Best Youth Coach di Pitch Time Aruba. Oficialmente e tin dos proyecto cual ta Skate Trailer y Wizz-U-Cation. Na final, el a yuda den mas proyecto, unda cu el a duna conseho. 

Wester a menciona cu aunke e premio ta grandi, pero e lo sinti su mes mas contento di por a mira e proyectonan demostra. Tur proyecto a sa di sobresali y esey ta e premio mas grandi, Wester a comenta por ultimo.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top