Connect with us

Varios estado di Merca gravemente afecta pa tornado

Aruba

Varios estado di Merca gravemente afecta pa tornado


E tornadonan y e clima extremo a mata basta persona den e estado Mericano di Kentucky. Gobernador di e estado, Beshear a bisa cu e cantidad di morto ta supera setenta y ta spera cu e aumenta mas cu shen.

Ta papia di e tornado mas devastador di e historia di Kentucky y a declara e estado di alerta, loke lo nifica placa extra pa ayudo di emergencia. E tornado a pasa den un area di mas di 350 kilometer, casi 57 mil persona ta sin coriente.

Presidente Biden a priminti e estadonan afecta, seis en total, sosten di e gobierno federal.

Un reportero di e emisora di noticia local WDBR News a informa riba Twitter cu e ciudad di Mayfield na Kentucky, tabata practicamente plat. “Casi tur edificio ta destrui,” el a bisa. E ciudad ta conta cu casi 10 mil habitante.

Anteriormente ta conoci cu un dak di un fabrica di bela na Mayfield a cay den otro, unda cu n’e momento ey tabatin 110 persona. Tin miedo cu varios di nan no a sobrevivi. Te aworaki, polis a saca cuarenta persona cu bida for di e ruinnan.

Servicio Meteorologico Nacional ta bisa cu a informa di 36 tornado cu a afecta e estadonan di Illinois, Kentucky, Tennessee, Missouri, Arkansas y Mississippi.

Por lo menos dos persona a fayece den un deposito di Amazon na Edwardsville, Illinois, despues cu e dak a cay den otro. Aidna no ta cla si esaki ta causa pa un tornado of door di otro tormenta.

Varios persona ta sigui ta den e deposito. Tin miedo cu varios persona mas a fayece.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top