Connect with us

Varios atraco cometi durante December tabata na man di un Venezolano di 27 aña

Varios atraco cometi durante December tabata na man di un Venezolano di 27 aña 1

Aruba

Varios atraco cometi durante December tabata na man di un Venezolano di 27 aña

Varios atraco cometi durante December tabata na man di un Venezolano di 27 aña

Deteni durante razzia

ORANJESTAD (AAN): Danki na tip, y tambe un forma profesional di trabao di autoridad hudicial na Aruba, nan a sa di yega riba bon pista pa asina soluciona casonan recien di atraco cu a spanta comunidad.

DIARIO a haya confirmacion di vocero policial, cu riba Diasabra anochi en conexion cu un investigacion andando, Atraco Team di Cuerpo Policial a detene e homber Venezolano L.A.P.O. di 27 aña.  El a wordo deteni ora cu autoridad a aparece di sorpresa riba dje, net cu e ta coriendo den auto.

Tambe a gara dos stranhero ilegal cu pa colmo tambe ta Venezolano.  E dosnan aki tabata hunto cune den su auto.

Ademas di e detencion ey, Polis a tene un razzia na un cas den Colombiastraat na Playa.  Den e entrada hudicial aki, autoridad a bin topa cu dos ilegal cu tambe ta Venezolano.  Nan tambe a keda deteni.

E mesun anochi, Polis a ehecuta un razzia tambe na un cas den Wernetstraat cu ta keda den area di Congoweg.

Segun Vocero Policial, e persona principal cu a keda deteni, a worde sospecha di diferente atraco den e luna di December.  Como cu nan ta considere sumamente peligroso, pesey a haci uso di Team di Aresto tambe di Cuerpo Policial.

Polis a bisa cu no ta descarta mas detencion cu lo bay cay den e proximo dianan en conexion cu e mesun investigacion aki.
Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion yama nan Tipline na 111-41.

Continue Reading
Advertisement
You may also like...

More in Aruba

Advertisement

Trending

Advertisement
To Top