Connect with us

UNESCO: Oportunidad pa ricibi financiamento pa proyecto

Aruba

UNESCO: Oportunidad pa ricibi financiamento pa proyecto


Comision Nacional di Unesco Aruba ta invita NGO’s y particularmente organisacionnan cu ta traha cu hoben, di cua nan space di trabou ta cay bou di e mandato di UNESCO, pa aplica pa financiamento di proyecto den cuadro di e Programa di Participacion 2022-2023. 

E proyecto mester ta relaciona cu promocion di educacion, ciencia, cultura y comunicacion & informacion. Lo duna preferencia na proyectonan cu tin un balor agrega pa Aruba como un “Small Island Creating State (SIDS), cu tin un caracter interdisciplinario, cu tin como meta pa mehora situacion di hende muhe y/of hobennan y ta den liña cu actividadnan di Comision Nacional di UNESCO Aruba. 

Financiamento maximo pa cada proyecto ta US$ 26,000, cu por solicita pa cubri gastonan pa: 

  • servicio di experto (ta exclui gasto di private y gastonan administrativo); 
  • beca pa estudio of beca pa investigacion; 
  • publicacion, revista, documentacion, traduccion y reproduccion;
  • materials y ekipo (cu no ta vehiculo);
  • organisacion di conferencia, reunion, traduccion y interpretacion, gastonan di biahe di participante (cu excepcion di gastonan di private di UNESCO);
  • seminario, webinars y coaching. 

Mester manda aplicacion completo na Ingles y den forma digital prome cu 15 de februari 2022 na electronic mail: [email protected]. Pa e formulario (digital) cu tur instruccion mester tuma contacto cu secretariado di Comision Nacional di UNESCO Aruba na: ☏: 528-3472, 528-3524 of 528-3474 📧: [email protected].  

Diamars 18 januari 2022, secretariado di Comision Nacional di UNESCO Aruba ta organisa un reunion informativo digital di 17:00 a 18:00. Ta recomenda pa registra pa e reunion aki uzando e siguiente hyperlink: https://zoom.us/meeting/register/tJAscu6vqD8qHdD9aG9LsBHWO7YZtPYu06qr  

Despues di inscribi, bo lo ricibi un electronic mail den cua ta confirma bo registracion.





Source link

Click to comment

Leave a Reply

Your email address will not be published. Required fields are marked *

More in Aruba

To Top