Connect with us

Un prome detencion pa kimamento di hut di watersport na Eagle Beach

Aruba

Un prome detencion pa kimamento di hut di watersport na Eagle Beach


Diasabra anochi polis a bay pura den direccion di Eagle Beach. A drenta informacion cu tin un di e kiosconan di Watersport na candela. Tambe cu tres hoben a comete e acto y core bay. Polis a cuminsa un buskeda mientras cu bombero a yega tambe pa paga e candela riba beach. E hut a sufri hopi daño. Un investigacion a cuminsa y team forensico tambe a presenta. Despues cu tur cos a caba a drenta mas yamada cu tin un grupo di dies hoben atrobe riba beach cu ta purbando di cende mas hut di watersport na candela. Entre e grupo di diez tin un mucha muhe tambe. Polisnan a yega mesora y e biaha aki a haci un detencion. Un hoben riba bicicleta ta esun cu polis a detene. A busca pa e otronan pero nan a disparce. Esun deteni mester bay splica na warda riba e comportacion y si e ta envolvi den e cendemento di candela. Polis a hib’e warda cu su bicicleta den e dogcatcher. Na yegada na warda a ripara cu e vocabulario di e hoben ta basta sushi. El a hasta coba mama. Cu mannan geboei a hib’e paden na warda di Shaba.





Source link

Click to comment

Leave a Reply

Your email address will not be published. Required fields are marked *

More in Aruba

To Top