Connect with us

Un momento special: Apertura di aña academico na Universidad di Aruba

Aruba

Un momento special: Apertura di aña academico na Universidad di Aruba


Diaranson tabata un dia special caminda cu Universidad di Aruba a habri su aña academico. Segun rector di universidad, dr. Viola Heutger esaki ta un momento fantastico. Apertura di e aña academico e biaha aki a sali afo, pasobra antes e tabata algo interno.

Pa Universidad tabata un dicha cu pa prome biaha e minister di enseñansa tabat’ey presente y tambe cu dos hoogleraar fo’i Hulanda por a biaha bin Aruba y esaki tabata un celebracion grandi.

Pa e desaroyo academico di universidad ta importante pa tin e refuerso di dos hoogleraar internamente cu ya den pasado a yega di duna un man pa tanto investigacion como educacion.

Dr. Heutger ta comenta cu di un banda pa e studiantenan di OGM Organization, management & Government studies, pa nan haya un bon educacion solido, cu diferente manera con por haya educacion cu contenido como tambe pa e investigacion, pa por acapara e problematica di e isla y traduci p’e sociedad, NGO’s y e diferente organisacionnan riba e isla y pa tur esunnan cu tin interes pa e opleiding aki.

Universidad a cuminsa cu diferente facultad nobo. Te aworaki NGO ta den bachelor y ta spera cu pronto por cuminsa cu un opleiding di masters.

Ta trata aki di profesor Mirko Noordegraaf y Wieger Bakker, kendenan a bin fo’i Hulanda pa reforsa Universidad di Aruba.

Profesor Wieger Bakker ta profesor extraordinario di Governance, Community & Cohesion na Universidad di Aruba. Fuera di esey e ta profesor di Educacion Superior orienta riba sociedad di Utrecht School of Governance y pa e Facultad di Derecho, Economia y Governance. Ademas e ta decano di permanent Learning pa Universidad di Utrecht.

Den su discurso inaugural profesor Noordegraaf a argumenta cu tin cu fundamenta profesionalismo, pa por tene na cuenta cu e contexto. Sosteni den su trabao anterior, mas generico riba e organisacion y conexion di e accion profesional, el a specifica e estudio di e servicionan profesional den tres manera.

Na prome luga mester tene na cuenta cu e contextonan social y historico. Na di dos luga nos mester ta mas atento na e contextonan politico y administrativo. Na di tres luga mester compronde e contexto cultural, paden y pafo di e camponan profesional. Aruba, como un estado insular chikito, ta permiti nos hiba e argumento mas leu, pa enrikece e ideanan y proporciona perspectiva mas ‘bibo’ riba profesionalismo.

Pa cobertura mas amplio lesa edicion di TREMPAN .





Source link

Click to comment

Leave a Reply

Your email address will not be published. Required fields are marked *

More in Aruba

To Top