Connect with us

Un chauffeur burachi menos riba caminda

Aruba

Un chauffeur burachi menos riba caminda


Diasabra pa mas of menos 9:20 pm na altura di Santa Cruz, tabatin un auto coriendo sospechoso riba caminda. Automobilistanan a avisa polis cu e chauffeur posiblemente lo ta burachi. A saca unidadnan motorisa pa yega na e vehiculo mesora.

Den algun minuut a topa cu e auto, un auto marca Hyundai modelo i10 color cora, numera A-30173, na altura di misa Catolico na Tanki Leendert. E chauffeur diripiente a topa cu seis polis riba brommer, cu a cende nan luznan color blauw y a dun’e ordo pa para e auto.

E hecho cu el a logra stop net dilanti di misa, no a scap’e di un control riba alcohol den su rosea. E test a sali malo p’e, pa cual a opta pa deten’e mesora y laga transport’e pa ward’i polis pa present’e dilanti un subfiscal. Ey lo dicidi riba su encarcelacion pa pasa wayaba of si ta lag’e bay descansa su curpa na cas mes.

Su auto a keda atras dilanti Parokia San Juan Pablo II na Tanki Leendert. Ora cu e lanta bek di su descanso, e lo por pasa busca e auto bek.

Polis ta haciendo tur esfuerso pa tene control specialmente den fin di siman, pa evita mas tanto accidente posibel, door di detecta e chauffeurnan burachi prome cu nan causa accidente. E maneho di prevencion hopi biaha ta duna bon resultado, specialmente ora cu for di comunidad mes ta haya cooperacion door di avisa autoridad unda tin chauffeurnan burachi moviendo riba caminda.





Source link

Click to comment

Leave a Reply

Your email address will not be published. Required fields are marked *

More in Aruba

To Top