Connect with us

Ultimo nos a tuma nota di e desishon di Minister pa termina kontrato laboral ku algun personal ku ta traha na e kahanan di kobransa di ontvanger.

Korsou

Ultimo nos a tuma nota di e desishon di Minister pa termina kontrato laboral ku algun personal ku ta traha na e kahanan di kobransa di ontvanger.


Nos ta lamenta e desishion aki mirando ku ainda tin e nesesidat pa tin e kahanan aki pa asina nos pueblo por hasi pagonan di impuesto. Nos ta di akuerdo ku mester yega na grado kaminda pagonan di impuesto ta tuma luga di forma online. Pero ten a e momento aki nos no a yega einan ainda.

Na 2016 Gobièrno a tuma mesun desishon pa stop servisio di kaha i riba reklamo di Defensor di Pueblo(ombudsman) a drai bèk esaki mirando ku plaka kès ta un medio legal pa hasi pago pero tambe e nesesidat ku tin bou di komunidat pa akudi na servisio di Ontvanger pa paga impuesto i otro servisionan.

E desishon aki a krea tambe dolo den kasnan di e trahadonan aki mirando ku nan a pèrde entrada. Mirando e lema di gobierno kual ta “ku pueblo” nos ta kere ku esaki no ta kuadra ku e lema.

Minister di Finansa a indiká na komienso di su period komo minister ku ta un habusu a tuma luga basta tempu dor di laga e trahadonan traha pa basta tempu via di uitzendbureau. Minister a indiká ku e trahadonan aki mester ta den servisio di Gobierno mirando ku tin nesesidat di personal na servisio di impuesto.

Frakshon di MAN ta konsiente ku nos mester yega na hasi uso di sistemanan moderno pa hasi pago. Pero esaki ta proseso ku mester kana pa yega, tambe mester atende pa algun grupo den nos komunidat tambe por tin e akseso aki. Frakshon di MAN ta konsiente i tin kompronde e dolo ku e desishon aki tin pa e trahadonan pero tambe e pueblo ku ainda ta hasi uso di kahanan di ontvanger.

Pa e motibu aki konforme artikulo 96 di reglamento di orden mi kier hasi e siguiente preguntanan na Minister:

1. Minister por duna splikashon kon a yega na e desishon aki?

2. Minister ta konsiente ku tin parti grandi di Gobièrno su entrada ta drenta pa medio di e kaha di Ontvanger, plaka késh?

3. Tin otro forma di pago di impuesto ku plaka kèsh?

4. Minister ta na konosementu di e karta di Ombudsman na 2016 riba e mesun desishon aki?

5. Minister ta konsiente di e impakto riba e trahadonan?

6. Minister a indiká ku pago na uitzenbureau ta kosta 1.7 mion, Minister por indiká ta pa kuantu trahado esaki ta?

7. Tin algun kahera di SVB ku ta kai bou di un convenant firma entre SVB i Ontvanger/Gobièrno, kual ta SVB ta paga. E personanan aki si ta keda traha?

8. Dikon Minister no ta konsiderá e trahadonan aki pa drenta servisio di Gobierno pa e kantidat di tempu ku nan ta ehersiedo e trabou?

9. Minister por konsidera na drai e desishon aki bèk i asina den fase traha kon nos ta yega na promove i implementa mas tantu pagonan di otro forma i no plaka kèsh?






Source link

Click to comment

Leave a Reply

Your email address will not be published. Required fields are marked *

More in Korsou

To Top