Connect with us

Turistanan bringado a bay cas pero cu $2050 menos den tas

WhatsApp Image 2024 05 10 at 11.26.15 AM

Caribe

Turistanan bringado a bay cas pero cu $2050 menos den tas


WhatsApp Image 2024 05 10 at 11.26.15 AM

E tres turistanan femenino cu polis a detene diahuebs anochi laat entre Aruba Marriott Resort y The Ritz Carlton Resort por a bay cas despues di a haya un bon scual for di e sub-fiscal na Warda di Polis di Noord. Ta trata aki di un mama, su yiu muhe y e amiga di e yiu muhe cu a bin Aruba pa pasa vakantie y ta hospeda den un airbnb, un cas den e compleho Gold Coast na Westpunt. Nan tur tres tabata rib’un trip y bou influencia pisa.

Na warda di polis, ora nan a ripara cu e situacion ta serio, mesora nan a cuminsa yora y pidi tur tipo di pordon. Den cel dos di nan a bira malo y a cay flauw, probablemente door di tanto alcohol of otro substancia den nan curpa, combina cu agitacion, cansancio y miedo di ta cera den un cel di polis.

A atende nan riba e forma con nan a scop e polisnan na e sitio, a insulta nan, menasanan y na final hasta a hisa blusa pa mustra partinan intimo na e defensornan di ley. E tres damanan a sigura polis cu nan no ta ni corda mes di a haci esey, despues cu nan a drumi un rato den cel y haya un “reality check” cu en bes di bin pasa bon na e “one happy island” cu nan a comporta di tal forma cu nan tur tres a conoce cel di polis.

E sub-fiscal a delibera cu fiscal di Ministerio Publico cu mesora a dicidi pa impone un multa di $700 pa e mama y e yiu. Tambe a pone como condicion pa sali di prizon un multa di $650 pa e amiga di e yiu muhe. Hunto, nan a haya nan ta swipe $2050 pa por a recobra nan libertad, cu e condicion cu si nan mester haya nan den contacto cu husticia den e tres dianan cu ta keda nan ainda na Aruba, cu nan lo bay cera mesora.

Echo ta cu e turistanan aki hopi biaha ta bin Aruba pa un bon “girls trip” y no tin limite riba e oranan cu nan ta consumi alcohol. Nan ta subi boto di merdia caba, ta consumi alcohol, despues ta sigui pa clubnan, sin come drechi y anochi e curpa no ta duna mas y no ta tolera e alcohol mas tampoco, cu ta pone nan haci cosnan cu normalmente nan lo no a haci si tabata sober.

Como cu nan ta turista y a pidi despensa pa loke nan a haci y causa na Aruba, e fiscal a dicidi di regla e asunto cu un multa balora na Afl. 3.587,50 cu sin duda ta un bon “deuk” den nan presupuesto di vakantie riba nos isla y probablemente lo haci cu por bebe menos den e dianan nos dilanti.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top