Connect with us

Turista riba crucero rumbo pa Aruba ta conta su experiencia

Aruba

Turista riba crucero rumbo pa Aruba ta conta su experiencia

Despues di mas di un aña cu turismo crucero a dal para door di e pandemia di COVID-19, awo na juni barconan crucero ta cuminsa nabega bek, e asina yama reactivacion di e industria crucero. 

Diaranson awo Celebrity Millennium lo ta yegando Aruba, e prome barco crucero den 15 luna. E biahe aki ta uno sumamente importante en bista di cu e ta e prome barco crucero grandi ta e prome cu ta permiti pasaheronan Mericano a bordo desde cu e pandemia di COVID-19 a forsa un cierre di e industria aki. 

E prome biahe di Celebrity Millenium cu ta nifica un comienso nobo pa un industria cu mester a bringa pa sali for di e poz hundo unda e tabata hinca y problemanan financiero cu a pone liñanan di crucero a crea debenan di biyones di dollar y hero bieu. 

Pero den e caso aki, ta hero bieu a tuma e liderazgo. Celebrity Millenium a pasa den un remodelacion na balor di 90 miyon dollar, un inversion den un barco di mas di 20 aña bieu, pero a lag’e manera nobo. 

Pa amantenan di crucero, esaki ta e renacer di e industria, pero tambe e miedo di ta bek abordo di un barco crucero ta keda latente.

No ta e menasa di un malesa ta loke ta spanta e biahero. Pero e hecho di cu e nivel di protocol necesario pa biahenan saliendo for di Merca unda cu despues di esaki CDC no tin hurisdiccion mas, ta trece un sorto di atake di ansiedad.

Pero den e siguiente seccionnan, lo elabora riba e cambionan desde e preparacion prome cu subi barco y operacion di e terminal te na momento di embarke y e ambiente abordo. 

CAMBIONAN DEN PRE-EMBARKE

Prome cu e pasahero yega e barco mes, tin un serie di rekisito cu e mester a cumpli cu ne pa e por drenta St. Maarten, cu ta inclui prueba di full vacunacion y un PCR-test negativo (no mas bieu cu 120 ora prome cu yegada). Tambe e pasahero mester haya aprobacion di entrada via e Electronic Health Authorization System (EHAS).

Ta bon pa tene na cuenta na ora di biaha, pa tin copia di cada un prueba rekeri (resultado di prueba, aprobacion di aplicacion, seguro di biahe) ya cu esaki ta scapa hopi tempo. Por mira rijnan largo di personanan cu ta buscando informacion den nan telefon. Na ora di biaha, e aerolinea por nenga di laga e pasahero pasa si e no tin e documentonan necesario pidi door di e pais pa unda bo ta biaha.

CAMBIO NA E TERMINAL

Na e terminal e proceso no a conoce cambio, tur proceso ta mescos cu prome cu COVID-19. 

E cambio ta bin ora cu e pasahero mester uza handsanitizer pa despues bay na e screening di salud, cu ta consisti di un cantidad numera di stoel unda cu pasaheronan por sinta pa asina e agentenan di biahe por tuma nan informacion. E agentenan ta pidi pa resultado di PCR-test. Ta saca nan potret y despues e pasahero ta haya un armband.

CAMBIONAN NA E PLATAFORMA

Pasaheronan cu a haci nan proceso di pre-embarcacion via e app di Celebrity, despues di e chekeo di salud, despues di esaki tur cos a cana hopi lihe. Na e rampa, ta check temperatura di e pasahero un biaha mas pa despues e subi e barco. Tur proceso a keda mescos, cu excepcion di e chekeo di temperatura.

Den cierto modo por bisa cu e “pausa” di un aña, a haci cu e tripulacion tin mas entusiasmo na ora di yama e pasahero bon bini. 

Algun di e puntonan cu mas a resalta:

  • Ta pidi prueba di vacunacion pa tur pasahero di 16 aña bay ariba (Pa biahenan despues di 1 di augustus e ta cambia bira 12 aña pariba). Ta pidi carchi di vacunacion original como prueba. 
  • Tur pasahero, independientemente di un PCR-test negagtivo no mas bieu cu 72 ora (Esaki ta diferente cu rekisito di 120 ora pidi door di St. Maarten).
  • Tapoca ta obligatorio pa e tripulacion mientras cu nan ta abordo. Cualkier persona bou di 16 aña cu no ta vacuna mester bisti tapaboca ora cu e ta den e areanan publico). 
  • E liña di crucero no ta rekeri excursionnan patrocina pa e barco al menos cu e waf cu nan ta bishita pidi esaki. Den e biahe aki, e pasahero ta permiti pa baha na Aruba y Corsou, pero no na Barbados. 
  • Celebrity ta ofrece tapaboca cu e logo di e barco como tambe handsanitizer den cada cabina, un detaye masha aprecia. Tur caminda riba e barco ta haya tambe puestona di handsanitizer.
  • Adicionalmente, Celebrity a agrega stacion unda cu e pasahero por laba su mannan, cual no tabata tin anteriormente. Sigur, nan ta hopi conviniente y e personal atento ta recorda e pasahero pa laba su mannan prome cu e bay come.
  • Pa loke ta trata e buffet, e ta habri, pero e no ta ‘self-service’ (Pa straño cu e por zona, ainda bo por sirbi bo mesun bebida).
  • Capacidad abordo a keda reduci na menos di mita, pa cual e pasahero no ta haya e sensacion cu e barco ta yen di mas. 
  • Recordatorio tocante distanciamento social y labamento di man y uzo di handsanitizer ta tur caminda riba e barco, den gang y den lift, den teatro y na customer service. 

CONCLUSION

Na final, e pasahero ta hopi impresiona cu e fluidez di e rekesitonan implementa door di Celebrity cu ta duna e barco un sentimento di siguridad y normalidad. E hecho di por socialisa sin tapaboca y pa por brasa amistadnan ta excepcional despues di un aña di restriccion na mayoria luga. 

Pa hopi hende, e pensamento durante full e pandemia tabata cu “Algun dia cos lo normalisa”. Manera Celebrity a bisa “Algun dia a yega”.



Source link

More in Aruba

IMPORTANT ANOUNCEMENT

Advertisement
Advertisement

Trending

Advertisement
Advertisement
To Top