Connect with us

Tur comerciante chikito cu tin KOR mester entrega e declaracion anual di aña 2021

Aruba

Tur comerciante chikito cu tin KOR mester entrega e declaracion anual di aña 2021


Departamento di Impuesto ta recorda tur comerciante cu ta beneficia di e areglo pa comerciante chikito (kleineondernemersregeling of KOR), cu nan tin e deber di entrega e declaracion anual di BBO/BAVP y BAZV 2021. E entregamento di e declaracion ta sosode den forma digital by way of e portal ‘BO impuesto’. E fecha closing pa haci e declaracion ta 17 di januari 2022. Si entrega e declaracion laat of keda sin entrega e declaracion, e comerciante lo perde su standing di KOR automaticamente.
E beneficionan di KOR
E beneficionan di KOR ta:
– E comerciante no tin mester di paga BBO/BAVP/BAZV tur luna.
– E comerciante no tin mester di entrega e declaracion di BBO/BAVP/BAZV tur luna.
– E comerciante por reserva e further cen pa otro necesidadnan di e empresa.
– E comerciante tin menos trabou administrativo.
Mester haci declaracion
Apesar cu no tin mester di entrega e declaracion tur luna, ley ta stipula cu e comerciante chikito cu tin KOR mester entrega e declaracion anual (jaaraangifte) di BBO/BAVP/BAZV di aña 2021. Di e forma aki inspector por evalua si e comerciante por sigui mantene su standing di KOR. Pues, lo evalua si e volumen di benta (omzet) di aña 2021 a surpasa Afl. 84.000 of no.
Con ta haci declaracion?
E comerciante chikito ta declara e volumen di benta 2021 by way of e declaracion digital di BBO/BAVP y BAZV. Esaki ta sosode by way of e portal ‘BO impuesto’ (of BOi). Si e comerciante no a registra ainda como usuario, e mester haci esaki mas lihe posibel. Pa esaki mester haci un cita by way of e web site www.impuesto.aw
Con mester yena e declaracion?
Aki ta sigui un ehempel con e comerciante chikito ta yena su declaracion den un situacion regular. Volumen di benta (bedrijfsomzet) 2021 Afl. 63.000
Ta yena e declaracion asina:
Vrijgestelde omzet:
Belaste omzet BBO en BAVP: Belaste omzet BAZV:
0,00 (nihil) 63.000 63.000
E sistema automatisa mes lo calcula e suma di impuesto. Den caso di KOR, e sistema lo mustra cu e suma di belasting ta cero (nihil).
Tuma nota cu no por yena e suma di benta na ‘vrijgestelde omzet’. E parti aki no ta destina pa esnan cu tin e standing di KOR. E seccion aki ta pa e comerciantenan cu pa ley tin un actividad cu ta cay bou dispensacion di impuesto.
Fecha closing pa haci declaracion
Manera menciona, tur comerciante di KOR mester haci declaracion anual di 2021. E fecha closing ta 17 di januari 2022. Si haci declaracion despues di dia 17 di januari of keda sin haci declaracion, esaki lo nifica cu automaticamente e comerciante chikito lo perde e standing di KOR. Consecuencia di esaki ta cu e comerciante chikito lo tin cu cuminsa haci declaracion y paga BBO/BAVP/BAZV tur luna manera tur otro comerciante.
Departamento di Impuesto ta haci un apelacion fuerte na tur comerciante chikito cu actualmente ta gosa di e beneficionan di KOR, pa cumpli cu e declaracion di BBO/BAVP y BAZV di 2021 na tempo.





Source link

Click to comment

Leave a Reply

Your email address will not be published. Required fields are marked *

More in Aruba

To Top