Connect with us

Tromp-Lee: E deal di WEB cu Eagle LNG ta transparente!

Aruba

Tromp-Lee: E deal di WEB cu Eagle LNG ta transparente!


Relaciona cu henter e desaroyo rond di e tema di Eagle LNG y WEB, caminda cu practicamente tur fraccion den parlamento a vocifera nan preocupacion pa cu e transparencia, awe MEP a sigura cu tur cos a bay bon. Nan ta sinti cu e deal tabata transparente. AVP, MAS y ACCION21 a pidi pa un reunion publico pa nan por ricibi informacion, debati y si ta necesario trece cierto mocion pa para e proyecto. Partido RAIZ, cu ta forma parti di e coalicion tambe ta preocupa cu deal di Eagle LNG. Nan hasta a informa nan partner, esta MEP, pa para cu e proyecto te ora tin mas transparencia.

Awo, RAIZ ta boga pa un investigacion den e firmamento di contract entre Eagle LNG y WEB Aruba N.V. E unico partido cu ta sostene e proyecto aki y cu ta sinti cu e ta transparente, ta MEP. Un rato pasa a ricibi un prome reaccion di lider di fraccion di MEP, drs. Shailiny Tromp-Lee, caminda el a declara cu; “ Pa ami, e proceso tabata transparente.”

Shailiny Tromp-Lee ta sinti cu pa ricibi mas informacion den cuadro di transparencia, mester reuni den un Openbare Bijeenkomst, unda por papia cu e expertonan di Eagle LNG y WEB directamente. Pa e partner di coalicion esta partido RAIZ, ta scucha un otro idioma.

Den fin di siman a nota con vice-presidente di parlamento, Raymond Kamperveen a yama un reunion publico riba e desaroyo di Eagle LNG y WEB. No ta mucho dia pasa cu Kamperveen y lider di fraccion di RAIZ, Misha Raymond a vocifera cu; nan kier transparencia.

Kamperveen hasta ta sinti cu MEP a falta nan respet, den un edicion di Enfoke el a vocifera cu: “Shon b’a divorcia un casa y casa un otro, bo no por trata mi, manera b’a trata nan.” Pues por nota e preocupacion grandi den e integrantenan di partido RAIZ, cu ta sostene e Gabinete Evelyn Wever-Croes II.

Di otro banda, e lider di fraccion di MEP, na su yegada for di un biahe di Hulanda a sigura cu tur cos a bay segun reglanan di transparencia. Ta keda na e mayoria den parlamento mañan, si e reunion lo sigui den forma di OB of un OV. Den tur sentido, tur hende kier transparencia y responsabilidad den e contract multimiyonario aki, cu ta mara Aruba na 20 aña den cumpra gas, sin por habri opcion pa uza biento, solo of hidrogyn.





Source link

Click to comment

Leave a Reply

Your email address will not be published. Required fields are marked *

More in Aruba

To Top