Connect with us

Trahadonan di SETAR ta bay den welga si no para medidanan

Aruba

Trahadonan di SETAR ta bay den welga si no para medidanan


Ta parce cu e anuncio di Gabinete Wever-Croes II cu pa e fin di luna aki, esta november, lo paga FASE pa ultimo biaha, a percura pa bastante consternacion. Trahadonan di SETAR afilia na sindicato STT ta boga pa nan stop di entrega nan salario y beneficio pasobra no tin sentido mas. Na inicio a bisa nan cu e entrega ta pa aporta na FASE, ya cu a para e ayudo aki, ta logico cu no mester aporta mas tampoco. Den caso cu gobierno no coopera, ta papia di bay den accion pa otro siman.

Trahadonan di Setar kier stop aporte

E trahadonan di Setar a acorda pa entrega 5% di nan salario mensual, mita di nan bonus di fin di aña y otro beneficionan rond di vakantie. Na final e ta caba cu e mesun 12,6% manera gobierno a ordena. Pero, ta sinti cu mientras cu nan mester sigui aporta, FASE a stop y nan tin masha gana di sa e ora unda nan salario lo bay anto. Tambe nan ta tuma nota cu otro companianan estatal si tin bonus y tur otro beneficio, pues ta STT so a keda atras aki. Nan si lo cobra mita bonus fin di aña, mientras cu otro companianan estatal lo paga beneficionan normal na nan trahadonan.

Carta pisa pa gobierno

E sindicato STT, riba ordo di nan miembronan, a los un carta pisa pa gobierno, specíficamente na Minister Geoffrey Wever di Telecomunicacion y na Minister Presidente Evelyn Wever-Croes demandando un reunion urgente y urgiendo pa haya e mesun trato cu otronan tambe ta haya. De facto, STT kier pa para e retencionnan di salario pasobra a bisa cu tabata pa FASE y fin di e luna aki FASE ta stop, pues e ora e motibo pa retencion tambe ta para automaticamente. Den caso cu no tin oido of no tin un contesta satisfactorio, lo bay over na accion. Pa e relato completo, lesa e edicion di TREMPAN di diasabra mainta.





Source link

Click to comment

Leave a Reply

Your email address will not be published. Required fields are marked *

More in Aruba

To Top