Connect with us

Trahadonan di Marriott a crusa caminda pa haci limpi

Aruba

Trahadonan di Marriott a crusa caminda pa haci limpi


Un grupo grandi di trahadonan di Aruba Marriott Resort & Stellaris Casino ta celebrando nan siman, durante e Associate Appreciation Week. Anualmente ta tene henter un siman di evento pa e trahadonan cu dia den-dia ‘fo ta traha incansabel pa brinda e miho servicio posibel na tur nan huespednan. Awe un grupo di mas of menos 40 empleado a sali di hotel, crusa caya y haci e area eydilanti limpi.

Haciendo uzo di pick-up, handschoen y ekiponan pisa, a corta mata, yerba y piki un cantidad di sushi cu “otronan” a pasa benta eynan sin mas. Ta casi increibel pa kere cu ciudadanonan por pensa so di purba crea un mini-dump dilanti un di e hotelnan di mas prestigioso di nos isla.

Hopi lo no por imagina kico tur e trahadonan a topa cu ne pa recoge durante e accion di “Serve 360” di Aruba Marriott resort & Stellaris Casino. Nan a topa cu cama completo, taira di auto, television, botter di cerbes y hopi mas. Tur esaki riba e saliña dilanti e strip di hotelnan Highrise.

E empleadonan dinamico y yena di energia di e hotel a sali dilanti Marriott y a cana te na e crusada di Domino’s Pizza pa haci limpi y recoge tur locual a topa cu ne. Na tur a transporta no menos di dos pick-up yena di sushi pa dump. A hinca e sushedad den saconan di sushi grandi pa despues hinca nan den pick-up. Artefactonan electrico no por a drenta saco, pues a tira nan den baki mes pa nan yega dump.

Aruba Marriott Resort & Stellaris Casino a habri na aña 1995 cu 411 camber y despues a añadi 3 camber mas na aña 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia di Aruba Marriott & Stellaris Casino ta consisti di mas o menos 1200 empleado den servicio directo. E compleho di Aruba Marriott & Stellaris Casino ta esun di mas grandi den henter Caribe, tanto den cantidad di camber como den cantidad di empleado.





Source link

Click to comment

Leave a Reply

Your email address will not be published. Required fields are marked *

More in Aruba

To Top