Connect with us

Trahado di resort ta denuncia abuso laboral na pia di trabou

Aruba

Trahado di resort ta denuncia abuso laboral na pia di trabou


Amarilis Brete a cuminsa traha na un resort native for di aña 1997, den housekeeping, den e warda di anochi. Na 2004 el a bira huge y el a bay traha den dia.

Aña pasa na november el a haya problema den un di e cambernan y un turista a entrega un keho cu tabata tin un un mancha den e camber. Supervisor di e departamento di Housekeeping a dicidi cu e ta kita e piso for di Amarilis y a pon’e traha den henter e resort, pa traha na luga di un trahado di housekeeping cu no t’ey e dia en cuestion. 

Despues cu Amarilis a entrega un carta unda cu e ta keha di e trato inhusto cu e ta haya cu e tin derecho di haya e rapport cu a traha contra di dje, el a sinti cu e trato cu e ta haya for di su superiornan, a bira pio. Un rato cu e tabata tin un chens chikito, el a cay na rudia y pidi Dios pa yud’e. Pero aki tambe el a ricibi contratempo ya cu e hefe grandi a manda bis’e cu ta e a manda kita su piso y pa Amarilis pidi Dios dun’e su piso bek. Esaki ta algo cu no a cay na agrado di Amarilis, ya cu e ta sinti cu ta discrimin’e pa su creencia, como cristian catolico. El a fada y a opta pa entrega su renuncia. Amarilis a indica di no kier bay labor y a prefera di acerca prensa. Aunke e ta sinti cu esaki lo por haci e situacion mas pio, pero e kier a trece su situacion dilanti.

Sinembargo e ta sinti malo pasobra Holliday Inn no kier pag’e tur e añanan cu e tabata den servicio di e resort. Pero si e resort a paga pa dos supervisor cu a haya nan pago ora cu nan a bay for di e resort. 





Source link

Click to comment

Leave a Reply

Your email address will not be published. Required fields are marked *

More in Aruba

To Top