Connect with us

Trahado di AruTram a uni na welga: Duna bek e 12.6% kita fo’i salario

Aruba

Trahado di AruTram a uni na welga: Duna bek e 12.6% kita fo’i salario


Sector publico como semi publico a bay den accion, unda a tene walkout pa un ora. Algun trahado di AruTram tambe a tene nan walkout pa mustra nan malcontento p’e situacion di 12.6% y e carta cu gobierno a manda n’e sindicatonan.

Shop steward pa sindicato SEPPA, Hubert Geerman, a indica cu nan tambe ta uni n’e causa di elimina e 12.6%. Esaki ta bin pa motibo cu e ta molestiando nan cartera. Un otro motibo ta cu prome minister a informa di elimina FASE y loonsubsidie. Nan ta di pensamento cu si a elimina eseynan, e ora por elimina tambe e 12.6% y asina nan como trahado por ta flexibel pa loke ta trata nan mesun cartera. Pa un ora nan a bay den accion, pero no tur trahado tabata presente.

E situacion ta afecta nan pa no duna servicio aunke tin turista a puntra. E trahadonan di AruTram ta den un discrepancia cu gerencia referente nan uniform. Segun Geerman, nan tabata en espera di e uniformnan desde 2021 y ainda no a tende nada. Nan a tene compasion riba e hecho cu tabata den pandemia, pero a yega ora pa haya algo. Director a bisa nan cu lo duna un contesta pero ainda nan ta en espera di esaki.

E shop steward ta pidi prome minister pa scucha pueblo cu ta pidi pa elimina e 12.6%. Manera e mandatario a pone cu adhoc tot nadere orde. Pero awo ta mira na horizonte cu no tin FASE ni loonsubisidie y manera a kita 12.6% fo’i nan por pon’e bek p’e trahadonan di N.V.s di gobierno. Nan ta evalua con e dia a bay, ta sigui di cerca cu nan sindicato SEPPA pa haya mas informacion kico lo ta e siguiente punto y stap pa loke ta trata e 12.6%.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published.

More in Aruba

To Top