Connect with us

Tin trabao di mantencion tumando luga na e tres plantanan di RWZI

Aruba

Tin trabao di mantencion tumando luga na e tres plantanan di RWZI


RWZI Bubali ta carga y ta hayando 8 mil cub pa dia, cual ta 8 miyon liter di awa, siendo cu su diseño ta 4500 cub pa dia. Loke cu a haci den pasado, cual na 2008, mirando TNO rapport saca, mester di 500 kilo di oxigeno pa dia.

Awor aki nan ta hincando 250 kilo di oxigeno pa dia, nificando cu ta hincando 50% so. Mirando cu e situacion di Bubali ta precario, e planta mes tin 50 aña bieu, fuera cu e ekipo den dje ta mesun bieu, por ripara tambe cu esey tin su efecto riba e oxigeno den e awa.

Segun Daryl Lue, plant manager di tur planta di RWZI di DOW, haciendo esaki na 2018, DOW a bin cu un sistema nobo y moderno pa hinca oxigeno den e awa. Ta pa reduci e holo un tiki y tambe pa purba optimalisa e proceso.

Lue ta sigui conta cu na 2020, a haya un inversion di 3.8 miyon pa e tres plantanan aki. DOW a cumpra diferente ekipo, entre otro UV Material pa por cumpli cu e normanan bacteriologo. Tambe a percura pa bin cu algun pomp nobo, mirando cu esunnan cu nan tabatin tabata yegando na nan maximo.

1n616dc438bd1747.51057037

Actualmente e planta no tin un sistema pa avisa cu tin awa cu ta bin riba caminda por ehempel. Ta pa e motibo aki tambe a inverti den un sistema nobo cu por preveni esaki, avisando cu si un pomp cay afo, ta duna un señal na e team na warda cu na su turno nan por atende e pompnan mas lihe posibel, minimalisando e cantidad di awa sushi cu ta bin riba caminda.

Na e diferente plantanan, a inverti pa bin cu varios sensor, cu ta duna señal na e sistema si un pomp por cay afo.

Den 2021, inclui den e inversion, a pone disponibel un cantidad di placa pa e reparacion di e AeratieTank, cual tabata un menasa. Tabatin kraak cu tabata visibel. Esaki lo por tabata un causa cu si e kibra, tin 8 miyon liter di awa sushi den full e area turistico y esey ningun hende no kier.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top