Connect with us

Tin dos siman pa inscribi den Festival di Dande

Aruba

Tin dos siman pa inscribi den Festival di Dande


Departamento di Cultura Aruba (DCA) ya ta varios aña ta apoya Fundacion Cultural di Festivalnan Folklorico (FCFF) cu recientemente a participa cu inscripcion ta habri pa e Festival di Dande Adulto 2021 desde awo te cu dia 17 di december 2021 pa 11:59 pm. Esaki Jessica Croes, presidente di e fundacion a participa. 

Jessica ta contento cu e festival por sigui e aña aki. Aña pasa esaki a sosode den forma virtual y mester a adapta na e situacion cu Aruba tabata den pa medio di un pandemia.

E Festival di Dande Adulto 2021 ta bay tuma luga riba 27 di december 2021 di 06:00 pm – 01:00 am na Centro di Bario Tanki Leendert.

Inscripcion por sosode a traves di formulario digital via di e link aki: https://forms.gle/kxYtgZVns1A2Yay59

Tambe por haya e link aki riba nan pagina di Facebook: Fundacion Cultural di Festivalnan Folklorico.

E agrupacionnan por participa e aña aki cu maximo di3 cantante di Dande pa cada agrupacion, esaki debi na e orario cu mester caba pa 01:00 am y nan ta mantene e medidanan di Covid-19 duna pa gobierno di Aruba pa medio di Crisis-Team.

Dande ta un di e folklornan di mas bieu di Aruba y cu te ainda ta existi den nos barionan. P’esey ta importante pa nos comunidad sigui apoya e festivalnan di Dande pa e tradicion aki no bay perdi.

Departamento di Cultura Aruba ta sostene e festival aki y ta pidi pa lidernan di e gruponan di agrupacion tipico pa inscribi mas lihe cu ta posibel. DCA ta speracu Aruba lo tin un tremendo festival di Dande Adulto 2021. Pa 27 di december proximo Aruba lo conoce su Rey y Reina di Dande di Aruba pa 2021.





Source link

Click to comment

Leave a Reply

Your email address will not be published.

More in Aruba

To Top