Connect with us

Thomas Ruiz na Edmond Croes: Informa bo mes bon prome cu comenta

Aruba

Thomas Ruiz na Edmond Croes: Informa bo mes bon prome cu comenta


Recientemente Thomas Ruiz di Vereniging Rijscholen Aruba por medio di un entrevista riba 24ora.com a comenta riba e rotonde di Palm Beach. Como experto di trafico el a duna di conoce unda tur a faya den construccion di e rotonde.

Edmond Croes, propietario di un canal di television y radio cu masha poco sintonia na Aruba a haya ta bon di comenta riba e publicacion di 24ora.com unda a entrevista Ruiz. Segun Croes, e mes a pasa riba e rotonde y no ta mira nada fout na dje y cu mas bien e critica di Ruiz ta mirando cu Minister Rocco Tjon no a dun’e trabou y ta p’esey e ta critica den media.

Ruiz ta reacciona na Croes bisando cu e tin cu informa su mes miho prome cu comenta. Ningun rato so Ruiz a busca of mester trabou cerca minister, porta Edmond si, asina e secretario di e asociacion di rijscholen a comenta. “Laga mi educa Edmond, pasobra e ta haci manera ta experto e ta”, Ruiz ta sinti na e forma con Edmond Croes ta papia cu masha dia e lo a druip pa rijbewijs. E ta stimul’e pa lesa ley y riba e puntonan di liña y flecha riba un rotonde. Ruiz na diferente ocasion a midi varios di e rotondenan na Aruba, unda cu no ta tur ta cumpli cu regla stipula y ta hasta puntra su mes cu si tin tanto diferencia asina, si por papia di un trafico sigur.





Source link

More in Aruba

To Top