Connect with us

The Fancy Faces Beauty Studio a habri oficialmente

Aruba

The Fancy Faces Beauty Studio a habri oficialmente


Diasabra ultimo The Fancy Faces Beauty Studio a habri porta oficialmente. E ta situa na Sero Blanco 39-D. Angele Geerman ta co-propietario di e negoshi y e ta conta cu pa hopi tempo caba, e y su socio Ruchella Yarzagaray, kier a haci algo diferente riba tur cos cu ta trata beyesa. P’e motibo ey mes a bin cu un ‘make-up studio concept’ pa makiyahe of tambe pa bin tuma les di makiyahe.

Rib’e dia aki, esta dia 16 di april, nan a dicidi di haci un soft-opening pa comunidad sa cu nan t’ey, kico ta nan concepto y unda nan ta situa.

Ruchella Yarzagaray, kende ta co-propietario di The Fancy Faces Beauty Studio, ta alabes e make-up artist. El a conta cu nan tin tur clase di makiyahe pa tur cliente cu ta desea pa cumpra y ta haci tur tipo di makiyahe, for di esun di mas simpel t’e n’esun di mas extravagante.

Pa loke e negoshi mes, nan ta bezig cu diferente fase. E proximo paso cu nan lo bin cu n’e, t’e beauty salon, pero fuera di esey nan lo tin e servicio di estetica pa un y tur cu ta interesa pa tin nan curpa den condicion, pa baha peso, tambe esey lo ta posibel.

Pa por tuma contacto cu nan, por sigui nan riba Instagram @the Fancy Faces Beauty Studio Aruba. Eyriba por sigui tur servicio y tur cos nobo cu nan lo bay tin. Tambe nan tin nan adres, e-mail y telefon pa por tuma contacto cu nan.

Segun Yarzagaray hende di tur edad por acudi cerca nan, fo’i mucha (pa evento infantil) te cu e persona di mas grandi.

Tanto Angele Geerman como Ruchella Yarzagaray, ta gradici na prome instante Dios, como tambe nan famia y tur amistad cu a sa di duna tur sosten pa asina The Fancy Faces Beauty Studio a bira un realidad.





Source link

More in Aruba

To Top