Connect with us

Tercel a perde control y accidenta riba Green Corridor

Aruba

Tercel a perde control y accidenta riba Green Corridor


Diadomingo anochi alrededor di 9:35 pm a sosode un accidente riba Green Corridor. Un Toyota Tercel biniendo for di pabou direccion pariba pa un motibo of otro a perde control y accidenta. Un cos ta sigur, velocidad halto a hung’un rol grandi den e accidente.

Daño material tabata basta, e front di e auto a keda completamente destrui. Polis a cera for di rotonde aeropuerto p’asina por atende libremente cu e accidente aki. E chauffeur a resulta herida, pa cual ambulance a transport’e pa hospital p’e ricibi atencion medico avansa. E pasahero tambe a resulta levemente herida, pero no tabata necesario pa hib’e pa hospital.

Polis di trafico a presenta pa documenta e desgracia di auto aki. Na prome instante a kere cu tabatin mas auto envolvi, pero na final a resulta di ta un solo vehiculo. 

Accidente cu herido riba Green Corridor pariba di airport

Posted by 24ora on Sunday, June 19, 2022





Source link

More in Aruba

To Top