Connect with us

Temperatura di juni di 2024 a kibra su record di e añanan anterior

Caribe

Temperatura di juni di 2024 a kibra su record di e añanan anterior


temperatura

Pa algun luna caba por scucha e frase” no ta manera di calor cu ta haci eyf”. Wel segun datonan analisa, luna di juni ta e luna di mas calor den historia desde cu a bin ta registrando e datonan aki. E informe oficial ta bisa cu den 2024 a registra e luna di juni di mas calor den historia, superando e record ya excepcional di 2023, segun e anuncio haci door di e observatorio Europeo Copernicus.

Cada luna desde juni di aña 2023 a bati su mesun record di temperatura, pues por papia di un racha di calor di 13 luna sigui, segun e expertonan di Copernicus.

Globalmente tabata mas calor cu cualkier juni anteriormente registra, cu un temperatura averahe di aire na superficie di 16,66 grado Celsius, cu 0,67 grado C riba e averahe di 1991-2020 pa e luna ey, y 0,14 C riba e maximo anterior estableci na juni, 2023, asina Servicio di Cambio Climatico (C35) di Copernicus a informa.

Na Europa juni tabata e di dos mas calor hamas registra, cu 1,57 grado riba e averahe den e periodo di 1991 – 2020.

E temperaturanan cu a supera e averahe en gran parti, a detecta na zuid-oost di e continente y na e peninsula Anatolia, mientras cu na Europa occidental, Islandia y noord-oost di Rusia a cerca of bou di lo normal.

Pa loke ta resto di continente, e tempraturanan cu mas a supera e averahe a detecta na Mexio, Brasil, west di Merca, oost di Canada, nort di Siberia, Medio Oriente, nort di Africa y west di Antartida.

Al contrario, na Pacifico ecuatorial oriental e temperaturanan a keda na bou di e averahe, un señal cu e fenomeno meteorologico di La Niña ta den desaroyo. 





Source link

More in Caribe

A2Z ADMINISTRATION

AD

To Top