Connect with us

Temblor den marduga tabata di 2.6

Aruba

Temblor den marduga tabata di 2.6


Den marduga di dialuna tabatin un temblor cu por a sinti na Aruba. Manera sa pasa, hopi hende a acudi na media social pa manifesta loke nan a sinti. Otro, door cu e tabata den marduga, a kere cu e tabata parti di nan soño of no a sinti nada mes.

Ora dia a habri, 24ora a haci intento pa busca informacion oficial for di e entidad encarga, cu den e caso aki ta Servicio Meteorologico. Sinembargo, e departamento no tabatin ningun informacion pa comparti. Mescos cu den oportunidadnan anterior, ta acudi e ora ey na Funvisis, cual ta autoridad Venezolano, pero nan tampoco a emiti un rapport al respecto.

Den e buskeda pa informacion a bin compronde cu Servicio Meteorologico di Aruba no ta conta cu e ekipo, ni e profesionalnan capacita pa por midi movecion sismico. Ta via via a logra haya toch un grafico di loke un mashin a registra na momento di e temblor di dialuna marduga.

Den dje por mira cu e temblor a sosode exactamente pa 3:04 di marduga ora local di Aruba. Tabata te dialuna atardi cu e Servicio Geologico Colombiano a publica un informacion tocante esaki. Den dje ta specifica cu e epicentro di e sismo ta ubica cerca di e costa di Venezuela, na punta di e Peninsula di Paraguana. E tabata na un profundidad di 65 kilometer y su magnitud tabata di 2.6 den e escala di Richter.

1n62a7d7074e2193.11384577

Mester remarca cu durante ultimo simannan, Venezuela a registra mas di un temblor, pero ningun su ta surpasa e escala 5. Expertonan di e pais bisiña ta splica cu mester tene semper na cuenta cu e pais ta keda na e rand di e plachi tectonico Sur Americano y esun di Caribe.





Source link

More in Aruba

AD

Advertisement

Trending

Advertisement
To Top