Connect with us

TCB I BIA DEN KOPERASHON KU ENTIDAT PÚBLIKO BONEIRU I BONHATA TA FIRMA UN MOU I UN AKUERDO DI KOPERASHON KONHUNTO

Caribe

TCB I BIA DEN KOPERASHON KU ENTIDAT PÚBLIKO BONEIRU I BONHATA TA FIRMA UN MOU I UN AKUERDO DI KOPERASHON KONHUNTO


Kralendijk – Tourism Corporation Bonaire (TCB) i Bonaire International Airport (BIA) den koperashon ku Entidat Públiko Boneiru a firma un Memorandum of Understanding i un Akuerdo di Koperashon Konhunto den kua e partidonan akí ta ekspresá e nesesidat pa kontinuá ku un koperashon i kolaborashon kompleto entre e entidatnan akí pa alkansá e metanan komun pa e esfuersonan relashoná ku e Desaroyo di Ruta pa Boneiru na un manera koherente, efektivo i efisiente. Despues di binimentu di United Airlines nos a alkansá nos nivel di Servisio Aéreo pa Boneiru di proméku COVID. Den kuadro di e Plan Maestro pa Turismo i e Plan di Rekuperashon pa Turismo nos lo kontinuá ku e desaroyonan pa mas konekshon i ampliá esakinan.

Nos meta: Kontinuá ku un koperashon konhunto pa un ehekushon duradero di e Strategia di Desaroyo di Ruta pa nos isla Boneiru. Entidat Públiko Boneiru, BIA i BONHATAden koperashon ku TCB lo sigui koperá estrechamenteku otro komo entidatnan komersial den nos esfuersonan pa mantené i amplia e servisio aéreo pa Boneiru. E esfuersonan konhunto di e entidatnan akí ta enfoká riba atkisishon di kompanianan aéreo nobo i/òf stimulá kompanianan aéreo ku ta bula pa Boneiru kaba pa amplia nan kantidat di buelo i habri gateway- i destinashonnan nobo.

E akuerdo di koperashon ta identifiká tambe áreanan pa kompartí data i pa ehekushon di proyektonan manera Exit Survey i eksperensia di bishitante na aeropuerto.

Diputado di Turismo di Entidat Públiko Boneiru, sr Hennyson Thielman, direktor di BONHATA Veroesjka de Windt, presidente di BONHATA Bas Noij i direktor di Bonaire International Airport Jos Hillen ku orguyo awe a sostené e logro akí i na nòmber di e komishon di Desaroyo di Ruta a felisitá e tim.

“Esaki ta un logro importante den e proseso di profeshonalisashon i kreamentu di un kuadro korekto pa un laso di koperashon den turismo. E koperashon akí ta forma e fundeshi pa nos Strategia di Desaroyo di Ruta i ta indiká direkshon i kompromiso. Mi ta orguyoso di e logronan te ku awor i mi ta anhelá e kapítulo nobo di esfuerso di Servisio Aéreo i Desaroyo di Ruta”, segun e CEO di TCB Miles Mercera.

Direktor di BIA a enfatisá: “Nos lo kontinuá ku nos esfuersonan pa desaroyá nos Plan Maestro di aeropuerto pa alkansá e normanan internashonal di siguridat (ICAO) rekerí, pa amplia e infrastruktura i pa konstruí un terminal nobo internashonal ku parti pariba ta konektá ku e aeropuerto eksistente. Esaki ta hasi posibel pa laga nos aeropuerto krese dentro di e kondishonnan di e Plan Maestro pa Turismo i e Plan di Rekuperashon pa Turismo.”






Source link

Click to comment

Leave a Reply

Your email address will not be published. Required fields are marked *

More in Caribe

To Top