:quality(85)/cloudfront-us-east-1.images.arcpublishing.com/infobae/MFVTM7PWCRGDRC3L6M4LFLIFLM.jpg?resize=400%2C240&ssl=1 "Norma Piña presenta propuestas para un sistema integral de justicia: “Debemos escucharnos entre poderes”")
:quality(85)/cloudfront-us-east-1.images.arcpublishing.com/infobae/MFVTM7PWCRGDRC3L6M4LFLIFLM.jpg?resize=100%2C100&ssl=1 "Norma Piña presenta propuestas para un sistema integral de justicia: “Debemos escucharnos entre poderes”")
:quality(85)/cloudfront-us-east-1.images.arcpublishing.com/infobae/XOY6CA5ODFE4TLRMELPAXHRTJ4.jpg?resize=400%2C240&ssl=1 "Contra todos los pronósticos, la temporada de huracanes está más tranquila de lo esperado: a qué se debe este fenómeno")
:quality(85)/cloudfront-us-east-1.images.arcpublishing.com/infobae/XOY6CA5ODFE4TLRMELPAXHRTJ4.jpg?resize=100%2C100&ssl=1 "Contra todos los pronósticos, la temporada de huracanes está más tranquila de lo esperado: a qué se debe este fenómeno")
:quality(85)/cloudfront-us-east-1.images.arcpublishing.com/infobae/HHRKGQBE5RA5POAU43CSCK44CE.jpeg?resize=400%2C240&ssl=1 "Reportero de Magaly Medina describe la presión laboral con ella: “Te exige y te grita, pero te adaptas”")
:quality(85)/cloudfront-us-east-1.images.arcpublishing.com/infobae/HHRKGQBE5RA5POAU43CSCK44CE.jpeg?resize=100%2C100&ssl=1 "Reportero de Magaly Medina describe la presión laboral con ella: “Te exige y te grita, pero te adaptas”")
Caribe
Taxista na Minister Ursell Arends: “Nos no ta dobla!”
Den oranan di anochi, e taxistanan a sigui cu nan protesta. Segun Ronny Gomes, mientras cu e taxistanan tabata riba pia ainda, den nan lucha, tur e ministernan tabata na cas ta drumi.
Segun Gomes, awe nochi nan a protesta den area di Palm Beach y asina mustra e mandatarionan e efecto cu esaki lo por causa, si nan como taxista escala nan protesta.
Gomes a indica cu Prome Minister mr. Evelyn Wever-Croes a dal e taxistanan un cara abou y esaki tabata un decepcion grandi. El a bisa nan cu e lo duna nan un periodo pa ‘cool off’ y e taxistanan a keda malcontento. For di nmainta nan tabata bringa pa nan derechonan.
Segun Ronny Gomes, e lucha no ta stop. A base di e conferencia di prensa, nan lo dicidi kico ta bay ta e siguiente stap. Nan no ta bay stop! Y loke a pasa na Palm Beach ta djis un tiki di kico por spera si e minister no revoca su decision.
Nan no tin miedo di nada. Pero Gobierno no por bin kita nan derecho, cu nan tin pa varios aña caba. Y di un dia pa otro, kier bin kita nan derecho. Minister Ursell Arends ta fout y e sa esey!
No ta husta pa e ciudadanonan cu mester ta riba pia for di mainta trempan, sin come pa e por bringa pa loke nan ta kere aden. E minister a demostra cu e no ta “dobla, awel nos tampoco ta dobla”, tabata palabranan di taxista Ronny Gomes.
Si e minister no tabatin su capricho, por yega na un acuerdo, tuma un decision. Pero el a demostra cu e no ta dobla, cu e ta keda mara duro na su capricho, awel nan tambe tin nan capricho.
E taxistanan ta warda e politiconan bin campaña!
Segun Gomes, e minister kier kita e vergunning di e taxistanan pa e duna na su campañadonan. No ta prome biaha cu nan ta pasa aden.
Por bisa cu e taxistanan a sumamente rabia y no ta dispuesto na baha cabes pa niun di e mandatarionan.
Depende di e resultado di e conferencia di prensa di mañan mainta, e taxistanan lo dicidi kico lo ta nan proximo paso.
