Connect with us

Ta sclama pa solucion: Awa sushi y holo stinki ta atraccion desagradabel den area turistico

Aruba

Ta sclama pa solucion: Awa sushi y holo stinki ta atraccion desagradabel den area turistico


No ta prome biaha pero ta parce cu solucion tampoco no ta bay yega por lo pronto. Un bista sumamente desagradabel ta locual cu tin na e momento aki riba e caretera turistico principal den e area di Palm Beach.

Varios yamada a drenta na nos mesa di redaccion pa informa di un situacion deplorabel cu ta tumando luga riba L.G. Smith Boulevard caminda awa di riool a yena gran parti di e caminda.

Awa sushi causando molester den area di hotel

Posted by 24ora on Thursday, November 24, 2022

Un poco despues di 7:00 pm a drenta informe cu te hasta un fontein di awa di riool a bay halto susha tur vehiculo cu tabata transita den e area. Propietario di varios auto staciona den e pida strip aki no por a crusa e caminda pa yega na nan auto.

E holor tabata insoportabel y asina mes e trafico mester a sigui uza e ruta aki como cu e ta esun principal pa yega na e area di hotel y establecimento nocturno den cercania.

Na mas di un ocasion a pidi pa atende cu e situacion aki como cu ta trata di e entrada principal na area di hotel y ta un bista decadente pa turista cu ta di bishita riba nos isla.

Hopi ta e taxistanan cu tambe a yega di bati alarma riba e situacion cu awa di riool aki, cu ta susha nan vehiculo y cu holo stinki ta keda pega na esaki, caminda cu despues nan tin cu transporta turista den e holor aki. Sin lubida di e situacion ahigienico cu esaki ta pa cualkier area riba nos isla.





Source link

More in Aruba

To Top