Connect with us

Ta investigando e insidente: Avion di Sarpa a dal den vários lus riba pista di BIA na momento di despegue

Caribe

Ta investigando e insidente: Avion di Sarpa a dal den vários lus riba pista di BIA na momento di despegue


Aerolinea i biahamentu

Ta investigando e insidente: Avion di Sarpa a dal den vários lus riba pista di BIA na momento di despegue

Na e wil dilanti di avion di Sarpa por mira diferente kòrtá i un wil ku a kita for di riba e rim.

KRALENDIJK- Tin un investigashon ta tumando lugá den e sirkunstansianan di un insidente ku a tuma lugá djasabra nochi riba e pista di aterisahe i despegue na BIA, kaminda problemente un avion JetStream usá pa Sarpa komo ambulans aéreo pa Fundashon Mariadal mester a dal den vários lus riba e runway.

Informashon di awor.nu ta mustra ku e avion a lanta buelo for di e pista, ful na banda drechi di e pista, na lugá di mei mei. Den esaki a dal vários di e lus blounan i a laga nan atras kibrá. E avion di Sarpa mester a sostené daño tambe na su wilnan dilanti, loke por mira riba diferente pòtret ku ta den poseshon di awor.nu.

E avion aktualmente ta pará na aeropuerto di Medellín, kaminda Sarpa ta bezig ta hasiendo e reparashonnan nesesario, pero kaminda na mes momentu outoridatnan di aviashon kolombiano a kuminsá hasi un investigashon riba e suseso. BIA mes tambe a kuminsá ku su propio investigashonan, ku ta adando ainda. Ounke direktor di BIA, Maarten van der Scheer a konfirmá e insidente i investigashon ku ta hasiendo, riba djadumingu ela bisa tambe ku den e fase aki no por bisa nada ainda, ni duna informashon konkreto.

Informashon di awor.nu ta mustra ku posibelmente e pilotonan di e Jetstream a desorientá i no tabata tin un bon bista di nan posishon riba pista nan momento di take-off. Esaki potensialmente ta hopi peligros i por ta asta katastrofal.

image 4

E avion stashoná na aeropuerto di Medellín en espera di e drechamentu.

Aksidente

Ounke un investigashon mas aleu lo tin ku mustra eksaktamente kiko a pasa djasabra anochi, no ta promé biaha ku Sarpa a haña su mes den insidente i asta aksidente serio. Voral den periodo di 2018 i 2019 tabata tin por le ménos 3 aksidente serio, kaminda Aeronautica Civíl di Colombia a hasi investigashon i a publiká nan rapòrt tokante esaki.

Den dianan benidero lo por spera mas klaridat kiko eskaktamente a sosodé djasabra anochi i kiko esaki lo nifiká pa operashon di Sarpa.


459



Source link

More in Caribe

A2Z ADMINISTRATION

AD

To Top