Connect with us

Ta identifica varios stakeholder durante sesion interactivo pa Parke Marino Aruba

Aruba

Ta identifica varios stakeholder durante sesion interactivo pa Parke Marino Aruba


Na Hyatt Place a tuma luga un sesion interactivo pa parke Marino Aruba. Sietske van der Wal ta splica con e reunion a bay. Tin diferente sesion cu lo bay tuma luga. Awor ta den un proceso di consulta, cu a cuminsa cu sesionnan informativo, encuesta y awor a tuma luga e prome sesion interactivo unda a identifica diferente stakeholder y a invita nan p’e siman aki y otro siman. A dicidi di parti e sesion den dos grupo, pa asina evita aglomeracion den temporada di COVID.

Durante e sesion nan a y lo participa y aporta segun e puntonan di analisis SWOT (Strength, Weakness, Opportunity and Threat).

Cu e resultado final lo traha un rapport final y lo presenta esaki na comunidad di Aruba.

Jeremy Dash di MotiVami cu ta coordinado di boluntarionan y a representa The Shack Aruba cu ta realisa tournan cu Canoe & Kayak Aruba na Mangel Halto, tambe a reuni cu FPNA y e comparti lo siguiente: “E experiencia durante e encuentro ta uno positivo mirando cu ta creando un plan di maneho pa e parke Marina Aruba cual ta algo nobo y lo contrario cu loke ta existi caba pa 40 aña na Bonaire. Asina lo reenforsa e cuido marino cu tin, pa e futuro generacion por disfruta di e bida marino.”

E mensahe na comunidad ta pa cuida e rifnan, bin e anochi informativo di Parke Marino cu lo tuma luga den luna di november pa asina haya mas informacion con pa cuida e bida marino.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top