Connect with us

Ta evaluando pa NO duna permiso pa fiestanan despues di tiro

Aruba

Ta evaluando pa NO duna permiso pa fiestanan despues di tiro


Despues cu Gobierno, por medio di crisisteam a avisa cu bandanan musical por toca completo atrobe den clubnan, mesora su tras a sali un cantidad di propaganda pa fiestanan despues di tiro. For di San Nicolas te Noord, ta parce cu henter Aruba lo bay fiesta e aña aki, anto pagando mas di 200 florin pa persona, cu den mayoria caso ta inclui “open bar” te mainta. Pero, ningun di e eventonan aki tin permiso ainda y Gobierno a manda pidi conseho na Directie Wetgeving en Juridische Zaken (DWJZ).

E discusion riba mesa awor ta, cu na momento cu un establecimento cobra pa entrada adelanta, cu e ta bira un evenemento. Y, manera tur hende sa, pa un evenemento, manera por ehempel concierto, no ta dunando permiso actualmente. Pues, no por pensa cu djis pasobra tin permiso pa un restaurant, cu esey automaticamente ta un permiso pa organisa un evenemento den cual ta cobra 100, 125 of te hasta 150 dollar pa entrada.

Ta bin acerca cu, separa di restaurant y clubnan, cu varios cas a dicidi di organisa nan mesun evento, cobrando un cantidad di placa tambe na entrada. E diferencia ta cu e casnan aki, no necesariamente ta capas pa maneha un publico grandi, nan no tin permiso di Brandweer, Departamento di Salud Publico (DVG) y un permiso pa bende alcohol. Es mas, tur trahado mester tin carchi berde di DVG pa por mishi cu cuminda y bebida, locual na cas ta dificil pa controla. Ta bin acerca cu fiestanan na cas ta bira un competencia inhusto pa negoshinan cu si mester paga salario, paga belasting, etc., siendo cu organisadonan di fiest’i cas no tin tur e gastonan ey.

1n61aea0bfa55089.98662763

Huridicamente ta evaluando con hinca e asunto aki den otro, pasobra tin diferente permiso pa restaurant y koffiehuis na Aruba. Tin di e permisonan aki, specialmente pa clubnan nocturno, ta indica cu nan por cobra pa entrada. Pues, si nan cobra pa un fiesta despues di aña nobo, lo no ta nada nobo ni abnormal. E reto ta pa restaurantnan cu no ta cobra pa drenta, cu awor si lo kier cobra pa fiesta despues di tiro. Door cu ta promoviendo e evento separa contra un suma halto di entrada, e ta hacie un evenemento cu probablemente lo no haya permiso

Ta bin acerca cu e organisadonan di fiesta na cas, tambe lo mester pidi permiso y lo haya un lista largo di condicionnan pa cumpli cu ne, casi imposibel pa keda cla prome cu aña nobo mes. E condicionnan ta encera permiso di bombero, di polis, di DVG, di DWJZ y asina por sigui menciona. E hecho cu den pasado a yega di organisa e fiestanan aki caba, no ta hustifica, den forma cu gobierno ta mir’e, cu automaticamente lo sigui permiti e fiestanan aki awor memey di pleno pandemia.

Por lo menos un di e organisadonan di e fiestanan aki ta un coordinador di Minister di Husticia, Rocco Tjon. E demas organisadonan ta para ta warda awo pa gobierno tuma e prome paso, pasobra si ta para e fiesta di un, lo mester para e fiesta pa tur. Pero no por complace esunnan yega na Gabinete Wever-Croes so y stroba tur otro negoshi di por traha poco entrada adicional durante e dianan di fiesta.

Tin un otro realidad sinembargo, cu gobierno kier proteha nos economia pa e temporada halto cu nos ta drentando di turismo. Si habri man laga tur hende organisa fiesta riba otro despues di tiro, sin control, sin distanciamento social, cu despues den pleno januari ora nos haya un otro ola di Covid-19, cu ta nos tur lo lamenta ora cu turismo bolbe cay debi cu Aruba ta bira un pais di riesgo.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top