Ta celebra nobena di patrono di misa Pro Catedral San Francisco de Asis

” frameborder=”0″ allow=”autoplay” allowfullscreen>

E aña aki misa Pro Catedral San Francisco ta celebra fiesta patronal di San Francisco de Asis. Dia 4 di october ta celebra e fiesta di San Francisco, kende ta e patrono di e misa di Oranjestad. E fiesta aki ta celebra un bes pa aña.

Ivy Simon-Hernandez, ayudante di misa Pro Catedral San Francisco, a indica cu den nomber di pastoor Stanislaw Sekula parokia di Oranjestad ta invita pueblo di Aruba pa e fiesta patronal di San Francisco de Asis. E fiesta di nobenta ta inicia dia 25 di september y ta termina dia 3 di october.

Tur atardi e nobena ta cuminsa pa 6:15 pm na misa Pro Catedral San Francisco. Tambe tin e tridium, cual ta tres dia. E tridium ta tuma luga riba e dianan 26, 27 y 28 di september cuminsando pa 5:30 pm. Despues ta sigui e nobena di San Francisco y pa 7:00 pm ta tuma luga e santo sacrificio di misa.

E fiesta grandi di San Francisco de Asis ta tuma luga diabierna 4 di october. Riba e dia aki ta celebra e fiesta di San Francisco, cu ta e patrono di e misa di Oranjestad. Simon-Hernandez a invita comunidad, pero specialmente e parokianonan di Oranjestad, p’e santo sacrificio cu ta inicia pa 7:00 pm. Pa nan ta un honor di conta cu presencia di Obispo Luis Antonio Secco y diferente pastoor.

Despues di misa nan ta bay tene un brindis den Hofi di Mama Maria. Un bes pa aña parokia San Francisco de Asis ta celebra hunto cu e parokianonan e bunita dia aki.