Connect with us

SUSPENSHON DI AREGLO PA BISHITANTE DI KAS DI KUIDO

Caribe

SUSPENSHON DI AREGLO PA BISHITANTE DI KAS DI KUIDO


Kralendijk, 4 di desèmber 2021. ENTRANTE DJASABRA 4 DI DESÈMBER FUNDASHON MARIADAL TA SUSPENDÉ E AREGLO PA BISHITANTE DI KAS DI KUIDO. E motibu pa esaki ta e e kantidat grandi di hende ku a tèst positivo pa COVID-19 na nos isla.

E habitantenan di Kas di Kuido ta hopi vulnerabel i eksperensia mundial ta siña nos ku sin un angua di buster kontra COVID-19 nan ta mas suseptibel pa un kontagio. Den kaso di un eventual brote COVID-19 lo por plama rápidamente bou di e habitantenan i e konsekuensianan por ta hopi grave.

E intenshon ta pa laga suspenshon di e oranan di bishita na Kas di Kuido dura te e di tres siman di desèmber. Turesten e habitantenan di Kas di Kuido ku ta deseá esei lo bini na remarke pa un angua di buster kontra COVID-19. Entretantu e habitantenan a pasa angua kontra grip tambe i awor sin ningun problema nan por pasa e angua di buster kontra COVID-19. E habitantenan di Kas di Kuido ta spera ku durante Dianan di Pasku nan por risibí bishita na un manera seif atrobe.

Eksepshon

Den kaso di un eventual nesesidat médiko den konsulta ku dòkter lo hasi un eksepshon riba suspenshon di e areglo di bishita pa famianan.

Video call

Famia di e habitantenan ta risibí un number di telefòn pa por keda mantené kontakto pa medio di video call. E ora ei nan por yama di 9:00 or te 10:00 or i di 13:00 or te 15:00 or. Un guia di aktividat lo kontestá e yamada i sòru pa e kontakto ku e habitante. E guia di aktividat no ta outorisá pa duna informashon tokante un habitante.

Sigui tambe nos página di Facebook ku e nòmber ‘Kas di Kuido Boneiru’ pa informashon aktual.






Source link

Click to comment

Leave a Reply

Your email address will not be published. Required fields are marked *

More in Caribe

To Top