Connect with us

Super streanan di cuater kwartaal a wordo celebra na La Cabana Beach Resort & Casino

Aruba

Super streanan di cuater kwartaal a wordo celebra na La Cabana Beach Resort & Casino


La Cabana Beach Resort & Casino a host un Luncheon special cu tema festivo e luna aki pa su team di empleadonan. Chit Chat Cafe, e cafeteria pa empleado, a haya un bunita decoracion y empleadonan a disfruta di un delicioso menu, specialmente prepara pa nan mientras cu nan tabata socialisa y felicita tur esnan cu a briya durante di cuater kwartaal.
Dushi musica y un ambiente casual y leuk tabata e tono perfecto pa e team por inicia nan celebracion reconociendo esnan cu a briya consistentemente den loke nan ta haci, yudando bishitantenan y creando vacacionnan memorabel.

E ganado pa luna di October tabata Damien Croes, Executive Office. Otro nominadonan a inclui: Abelardo Restrepo, Housekeeping: Rowgan Cobrador, Pool & Beach; Elsa Benjamin, Accounting & Sandy Ras, Engineering.

E team di recursonan humano a continua e programa inmediatamente y reconoce e Supervisor di cuater kwartaal, Team di Kwartaal y Manager di Kwartaal.

Jeannete Brooks a gana Supervisor di Kwartaal, otro nominadonan a inclui Adriana Tromp, Housekeeping; Dorothy de Graf, Accounting; John Lopez Restrepo, Front Office.

Pool & Beach team a gana team di kwartaal. Otro nominadonan a inclui Housekeeping Supervisors y team di ingenieria.

Un pabien ta bay na tur nominadonan y ganadonan, y un danki pa tur boso dedicacion y compromiso na La Cabana Beach Resort & Casino su bishitantenan, tanto externo como interno.

 

 





Source link

Click to comment

Leave a Reply

Your email address will not be published.

More in Aruba

To Top