Connect with us

Studiante di Universidad ta pidi cambio pa sociedad completo

Aruba

Studiante di Universidad ta pidi cambio pa sociedad completo


Un grupo di studiante di Universidad di Aruba tambe a presenta na Bestuurskantoor pa trece conscientisacion pa loke ta trata e derechonan humano. Nan tabata manifesta pa loke ta trata asuntonan di embergadura social. Nan ta preocupa p’e parti social y p’esey inesperadamente nan a haci entrega dje manifiesto na e ministernan. 

Nan ta pidi e mandatarionan pa trece e cambionan cu nan ta pidi. Nan kier p’e mandatarionan bin cu cambio pa sociedad en general. E ministernan cu tabata presente tabata Geoffrey Wever, Ursell Arends, Rocco Tjon y Endy Croes.

Arends a expresa cu e puntonan treci dilanti p’e studiantenan di universidad ta valido y p’esey ta considera nan. A indica cu e gabinete lo percura pa duna atencion, pasobra nan ta para pa igualdad y no ta considera ningun hende ilegal. Aunke ta reconoce cu tin un grupo grandi di persona indocumenta, pero lo traha pa nan beneficio. Lo traha pa nan inclusion y esey ta conta cu no lo laga ningun ser humano atras.

Minister Tjon a gradici pa nan a presenta riba e dia aki, specialmente cu a prolonga e contractnan pa loke ta social crisis plan. El a bisa e studiantenan cu nan mes ta esun cu ta boga p’e trabou di trahado social, cual loke e studiantenan ta studia p’e. Salud mental ta un parti chikito den henter cadena social, pero e tin nan atencion. P’esey a cera diferente convenio.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top