Connect with us

Studiante di Universidad di Aruba cu un caminata pa nos comunidad

Aruba

Studiante di Universidad di Aruba cu un caminata pa nos comunidad


Aruba ta pasando den momentonan dificil, dia pa dia e costo di bida ta keda aumenta. Como consecuencia, esaki tambe ta aumenta e famianan cu ta encontra nan mes den dificultad financiero.

Fundacion Pa Nos Comunidad ta e foodbank oficial di Aruba funda den aña 2009. E Fundacion aki ta yuda famianan cu ta pasando den temponan mas dificil cu baskets di cuminda. Prome cu e temporada di pandemia, e Fundacion aki tabata yuda un average di 200 famia. Pero eski a aumenta drasticamente t’e cu 5000 famia. Despues di e temporada di pandemia, danki Dios e suma aki a baha. Pero mirando con e situacion financiero ta birando, e suma aki ta conociendo un aumento un biaha mas.

Nos, como studiantenan di Universidad di Aruba, studiando Hospitalidad y Turismo, lo ta organizando un evento pa un projecto final di Meetings and Events Management. Nos lo ta organizando un caminata titula: “UN CAMINATA PA NOS COMUNIDAD”. E meta di e caminata aki ta pa recauda fondo pa Fundacion Pa Nos Comunidad sigi yuda famianan pasando den momento nan desagradabel.

E caminata aki lo ta tumando lugar riba Diadomingo 24 di April 2022. E caminata lo inicia riba Eagle Boardwalk cuminsando for di 6:30 AM y lo tin un distancia di solamente 5KM. Nos ta pidi pa tur nos participantenan bisti colornan colorido como señal cu momentonan scur lo yega
na su final. E contribucion pa e caminata aki lo ta solamente AWG. 15,-. Cu e contribucion aki e participante tin chens di gana diferente premionan atractivo incluyendo un pasashi pa Curacao hunto cu EZ Air.

1n625823bf0d1496.18707406

Pa forma parti di e caminata aki, por pasa libremente na e siguiente localidadnan:

  • Power FM 101.7
  • Fundacion Pa Nos Comunidad
  • Maximum Fitness Club Aruba
    Of por tuma contacto cu nos via Whatsapp na 660-5901 of na 699-9910. Tur contribucion lo bay directamente na Fundacion Pa Nos Comunidad. Nos ta spera di por conta cu boso apoyo y sosten. Tarrick Ras, Gaileen Geerman, Darenska Mathilda, Michael Irausquin





Source link

More in Aruba

To Top