Connect with us

Strooimento di shinishi di tres defunto na Seroe Colorado

Aruba

Strooimento di shinishi di tres defunto na Seroe Colorado


Diahuebs dia 23 di juni 2022 pa 11:30 am lo tin un ceremonia di strooimento di shinishi di tres defunto. Ta trata di Carl W. Beyer, Gail Janson-Smith y Samuel (Sam) Speziale Jr. Tur tes defunto a nace den hospital di Lago, bay scol y crece den Lago Colony. Esaki lo tuma luga den presencia di famia, amigo y invitadonan di e famia cu a bin for di Merca pa e ocasion special aki.

“Debi cu mi no tin informacion completo di Gail y Sam, y tambe cu Carl ta mas conoci pa nos, mi por comparti e siguiente storia. Carl su pareha, Cisca Taft y famia, ta na Aruba caba pa e ceremonia aki. E ceremonia lo tuma luga na e faro na Seroe Colorado, den Colony”, asina Dufi Kock, historiado conoci riba nos isla, a relata awe.

Carl no ta un desconoci aki na Aruba. El a nace aki den e hospital di Lago, yiu di Walter y Maxine Beyer, hendenan di Casper, Wyoming, cu a biba den Lago Colony e tempo ey. Ami a traha cu e tata cu tabata un Maintenance Foreman den Oficina di Light Oils, for di aña 1954 pa 1964. Nos a sera un bunita amistad y nos tabata bishita otro regularmente.

Carl, despues di a termina su estudio na Merca, a uni su mes den e Cuerpo Policial na Oklahoma. Algo nunca e por a lubida, manera el a conta mi tabata e explosion cu Timothy McVeigh a causa dia 19 di April 1995 na e Day Center, cu por poco a causa su bida, pasobra net e tabata yega ey pa un control cu regularmente nan ta haci tur dia.

Increibel con Carl tabata stima Aruba y su hendenan….asina hopi amistad cu durante aña a enrikece su bida. E tabata afortuna pa usa parti di su tempo pa bishita nos isla despues di su pension. Hasta a cumpra un pida tereno na Sero Alejandro cu e meta pa traha su cas y desfruta di su pension aki na nos isla. Pero pa motibo di tempo y salud esaki no a wordo realisa. Ami y su amigonan de Cuba na
Savaneta a yud’e na varios ocasion tocante e tereno aki. Un tereno cu a dun’e hopi dolor di cabes entre e y gobierno. Ami mes mester a bay cune na D.O.W. na un ocasion.

1n62b22d5b4ceec8.63471398

Carl, debi na su personalidad saliente, a desaroya algun amistad ferviente riba e isla y a lo largo el a bira parti di nan famia. Su tempo ta bira hopi cortico ora e bishita nos isla debi na e tantisimo amistad cu e tin cu atende. Carl y Cisca a retira na Cape Coral, Florida unda nan tabata gosando di nan pensioen.

Desafortunadamente Carl a encontra cu algun problema serio cu su salud durante e ultimo seis aña cu a afect’e y a rekeri hopi atencion, pero e no a entrega. E tabatin un actitud positivo y tabata determina cu e mester bira bon, cual sigur a prolonga su bida. Un cos bon tabata cu e no tabata sinti ningun dolor y a gosa su bida te na fin.

Dia 26 di februari 2021 Carl ta fayece na Cape Coral na edad di 78 aña, lagando su pareha Cisca y yiunan. Dia 6 di November un Celebracion di Bida a wordo teni na Cape Coral, Merca pa su esposa, famia y amigonan. Su deseo semper tabata cu ora e muri, pa su shinishi wordo plama den Lago Colony.

1n62b22d5b4e2368.98596689

Awo su esposa ta cumpli cu su deseo, un persona cu tur esunnan cu a conoce sa con hopi e tabata stima e pida baranca aki. Carl tabata bon amigo cu e doñonan di Charlie’s Bar na San Nicolas y durante varios di su bishitanan, e tabata keda cerca nan. E ultimo tempo cu e cu Cisca tabata bini pa un luna, nan tabata keda na Aruba Beach Chalets na Savaneta.

Nos ta desea Cisca y tur famia hopi forsa y cu Carl sosega na paz. Igualmente hopi forsa na famia di Gail y Sam. Cu nan sosega na paz.





Source link

More in Aruba

To Top