Connect with us

St. Paulus School cu exposicion di otro mundo

Aruba

St. Paulus School cu exposicion di otro mundo


Ya ta pa algun tempo caba cu St. Paulus School a tuma iniciativa pa cambia e manera cu ta duna les na scol. Den cuadro di esaki, e scol a cuminsa enfoca riba orientacion rond mundo, caminda e muchanan ta orienta e mundo y tur locual ta rond di nan.  Eltienne Yarzagaray, maestro di 3de klas di St. Paulus School a conta cu nan tin dos aña ta prepara rond di esaki y diabierna a presenta e prome tema cu e muchanan. Asina aki a haci un exhibicion di ‘wereldreizeigers’, esta biahe den sistema solar.

Yarzagaray a sigui splica cu enberdad esaki tabata algo revolucionario pa mira con e muchanan a cuminsa siña den un otro forma y cu nan kier ta mas involucra den locual nan ta siña. Nan ta yama esaki ‘onderzoekend leren’ cu e muchanan mes a investiga y conduci esaki cu guia di e maestronan. Asina a bin ripara cu e muchanan mes kier haya sa mas y cada les nan tabatin cu informacion cu nan mes a busca y ya nan tabata sa caba cu nan lo mester bay presenta esaki.

“E ta algo increibel cuanto gana e muchanan a haya den siñamento”. Riba esaki Yarzagaray a bisa cu mester tuma e curashi pa por cambia y haci algo diferente. Por wak cu esaki ta un generacion diferente y “mi ta kere cu den educacion nos tin cu adapta, nos tin cu adapta nos forma di duna les”. A termina bisando cu e exhibicion di awe tabata un exito rotundo y cu esaki a trece un satisfaccion p’e maestro como tambe pa e muchanan mes y e mayornan. Pues esaki tabata un tema cu a trece tur hende hunto.





Source link

Click to comment

Leave a Reply

Your email address will not be published. Required fields are marked *

More in Aruba

To Top