Connect with us

Solamente Medwork por haci screening medico pa solicitante di permiso di DIMAS

Caribe

Solamente Medwork por haci screening medico pa solicitante di permiso di DIMAS


Untitled design 12

Pa stranhero (imigrante) cu a solicita pa un permiso di estadia na Aruba, y a haya un ‘Voorlopige Toelating Aruba’ (VTA) for di DIMAS, mester presenta cerca un dokter aproba pa Directie Volksgezondheid (DVG) pa un screening medico obligatorio.

Na e momentonan aki e screening aki ta wordo ehecuta unicamente pa e dokternan di Medwork. Na momento cu mas dokter keda aproba pa DVG, nos lo menciona esakinan y esaki lo wordo updated riba e website di DVG.

Pa traha un cita pa e screening medico, e solicitante mester presenta personalmente na Medwork situa na Margrietstraat 3, Oranjestad, riba dianan di trabou (dialuna pa diabierna) entre 8:00-12:00 y 13:00-16:00 cu un paspoort valido y e formulario ‘Voorlopige Toelating Aruba’ (VTA). Tambe mester hiba  e paspoort a base di cual a drenta Aruba ultimo biaha.

permiso

E gastonan pa cu e screening ta costa Afl. 75.00 y esaki mester wordo paga na momento cu e solicitante bay traha e afspraak. E cartanan di referencia pa e diferente tipo di testnan, manera test di PPD/Mantoux, radiografia di pecho y analisis di sanger lo wordo suministra pa Medwork. E costo pa e testnan aki mester wordo paga na e respectivo instancianan medico unda lo haci e testnan necesario.

Mas informacion riba e proceso y instancianan medico unda por haci e diferente testnan por ser encontra riba DVG su website https://dvg.aw/pa/dimas/of riba website di DIMAS www.dimasaruba.aw.





Source link

More in Caribe

A2Z ADMINISTRATION

AD

To Top